3 netlejjem elHSenne bac e slen edwiynne, enged engewweδ elkul. 4 erqbeθ yelflayek zade, ferreγm nelkebrensneθ delquwweθ nwaDu elli yetδuz δiysent, ettemsuqqaneθ s eddeffeθ ettemezyent egget elmani iyyexs elqayeδ. 5 usahen iles zade, δemezzyen emme iged eyeHke f elHajaθ ettimeqqarin. mekberhe elγabeθ elli etmeHraq s elεafyeθ ettemezyent! 6 wiles δelεafyeθ zade, iles yεebbe δeccer uyetwessex g elbδen, yetwessex δiys elkul wiHerreq g edduwreθ neddunyeθ elkulhe s elεafyeθ seg jhennem. 7 webnaδem iged eyeθHekkem f elhuwc dizenniywen etlefsiwiyn delHuwθ, 8 emme ligedc eyeθHekkem g ilses, nette δeccer elyetmeTTifc, iεebbe δessem ineq.