Provérbios 1

नीतिसूत्रांचे मोल

1 इस्राएलाचा राजा, दावीदाचा पुत्र शलमोन, याची ही नितीसूत्रे.

2 ज्ञान व शिक्षण शिकावे,

बुद्धीच्या वचनाचे ज्ञान मिळवावे,

3 सुज्ञतेचे शिक्षण घेऊन जे योग्य, न्यायी, आणि चांगले ते करण्यास शिकावे,

4 भोळ्यांना शहाणपण

आणि तरुणांना ज्ञान व दूरदर्शीपणा द्यावे,

5 ज्ञानी व्यक्तीने ऐकावे आणि त्याने ज्ञानात वाढावे,

बुद्धीमान व्यक्तीला मार्गदर्शन मिळावे,

6 ज्ञानी लोकांची वचने आणि त्याची गूढरहस्ये समजावी,

म्हणून म्हणी व सुवचने ह्यासाठी ही आहेत.