Provérbios 4

ज्ञानामुळे प्राप्त होणारे फायदे

1 मुलांनो, वडिलांचे शिक्षण ऐका,

आणि सुज्ञान समजण्यासाठी त्याकडे लक्ष द्या.

2 मी तुम्हास चांगला सल्ला देतो;

माझी शिकवण कधीही विसरु नका.

3 जेव्हा मी माझ्या वडिलाचा मुलगा होतो,

माझ्या आईच्या दृष्टीने सुकुमार व एकुलता एक होतो,

4 त्यांनी मला शिकवले आणि मला म्हणाले,

"तुझे मन माझी वचने घट्ट धरून ठेवो;

माझ्या आज्ञा पाळ आणि जिवंत राहा.

5 ज्ञान आणि सुज्ञता संपादन कर;

माझे शब्द विसरु नकोस आणि माझ्या मुखातले शब्द नाकारू नकोस;

6 ज्ञानाचा त्याग करू नकोस ते तुझे राखण करील;

त्याच्यावर प्रीती कर आणि ते तुझे रक्षण करील.