1 యెహోవ తాను ఎర్సికొడ్డితిఇఁ కోరెసుఇఁ పాయిఁ ఇల్లెకి వెస్సిమన్నెసి. ఏవణి బకి రాజొమికాని గెల్హలితక్కి నాను ఏవణి టిఇని కెయ్యుతి అస్తెఎఁ. నాను రజ్జయఁ టిడ్డెలిత హుకిఇఁ. దారయఁ ఏవణి నోకిత దెప్పిఆహఁ మన్నిలెహెఁ దారయఁ రెఇఁ. 2 నాను నింగె నోకిత హజ్జిహిఁ కజ్జ టాంగాని నెహిఁకిఇఁ. ఇత్తడి దారయఁని డయ్యికిన్నెసి, లోహొగొండొమిక డికిఇఁ. 3 దోరు ఇట్టహఁ నిన్నఅఁ హాటితి ఇస్రయేలు మహపురు యెహోవతెఎఁ నానుఎ ఇంజిహిఁ నీను పుంజకొడ్డలివల్లె. అందెరి టాయుత పున్నఅరేటు డుక్హఁ మన్ని ఆస్తితి నింగె హియ్యఇఁ.
1 ପ୍ରବୁ ତାନି ଆ଼ଚାମାନି ମାଣ୍ସି, ଇଚିହିଁ କରସତି ଈ କାତା ଏଲେଇଞ୍ଜି ମାନେସି,
"ନା଼ନୁ ଏ଼ୱାଣି ନ଼କିତା ହା଼ରେକା କୂଡ଼ାତି ହା଼ରୱି କିହାଲି ତାକି ଏ଼ୱାଣି ଟିଃନି କେୟୁ ଆସାମାଇଁ ଅ଼ଡ଼େ ନା଼ନୁ ରାଜାୟାଁ ଟେଡେଲି ଉଗ୍ଡ଼ା କିଇଁ;
ନା଼ନୁ ଏ଼ୱାଣି ନ଼କିତା ଦା଼ରାୟାଁ ବାରେ ଦେଃଇଁ ଅ଼ଡ଼େ ଗା଼ଡ଼ା ଦୁୱେରିକା ସୁଣ୍ତ୍କି ଆ଼ଉ;
2 ନା଼ନୁ ନୀ ନ଼କି ନ଼କିତା ତା଼କିଇଁ, ଡେପା କାଡ଼୍ଦି ଲେହେଁ କିଇଁ;
ନା଼ନୁ ପିତାଡ଼ା ଦା଼ରାୟାଁ ଡିକ୍ହାଁ ଗାଣ୍ତ୍ରା ଗାଣ୍ତ୍ରା କିଇଁ ଅ଼ଡ଼େ ଲ଼ହତି ଅର୍ଗଡ଼ି ଦା଼ଚାତୁହ୍ଇଁ;
3 ଇଞ୍ଜାଁ ନା଼ନୁ ନିଙ୍ଗେ ଆନ୍ଦେରିତା ଡ଼ୁଗାମାନାଣି ଅ଼ଡ଼େ ମେହ୍ଆ ଟା଼ୟୁତା ଇଟାମାନି ଦ଼ନ ନିଙ୍ଗେ ହିୟାଇଁ,
ଏଚେଟିଏ ନୀ ଦ଼ରୁ ଆସାହାଁ ହା଼ଟାନାତେଏଁ ନା଼ନୁ ପ୍ରବୁ ଇସ୍ରାୟେଲତି ମାହାପୂରୁତେଏଁ,
ଈଦାଆଁ ନୀନୁ ପୁଞ୍ଜାଲି ଆ଼ଡିଦି।
+581 estão orando agora.
Junte-se à corrente de oração.