12 Hakafikeyi mu bula bunga, bena sudi disandi bakadieshangana nandi. Bakamana ha tshitayi 13 Bakela diyi bakamuambila ne: "Yesu! Muyishi! Tofuela muengu!"

14 ✝Hakabamona Yesu, ukabambila ne: "Yakayi kuyadiebeshi kubushi ku bena mudimu ba Tshiambi."

Hakaduebu batshiyayi mu shila, bakondohibu.* 15 Umu umukakatshi muabu hakamoneyi ne mbabala imanahu, ukahingangana, ukatshuamika Tshiambi bo diyi dikola. 16 Ukadiela ku makasa a Yesu uka kuma hala hashi neku ukamuela lukandi. Mutu ewu, ukadu muena Samaleya. 17 Yesu ukamba ne: "Batu disandi diosu kabofuela malonge kadi banga tshitema badi kuheye? 18 Bukayi kakuhingila mutu munga bukudua kuela Tshiambi lukandi, anu munyambangu umuwe?" 19 Neku Yesu ukamuambila ne: "Bika hashi neku yaka, ditabushi diebi diakuhandula."