1 Samuel 16

11 Yegl didre, Samuel Jesi di pre, Ene wan ta ama moglmo? dugwa. Dugo, Jesi di ikne ede, yegl dugwa, Na wana okuo kaima ta ukrukwa. Ye sipsipna sugl moglmiwe di, yegl dugwa. Jesi yegl dugo, Samuel aglke kor dugwa, Ene yoba ta dedin, ye agre yunabiwa. Nono ye pre sugl moramga. Ye unan, nono ame di, kaya mokna nenamniwe di, yegl dugwa. 13 Yegl dugo, Jesi wam Devit we digwa i agiglema bogl akie adigl meglko, Samuel kugo nuglo sipsip kumugl bre yogagle mina kogl yugwa i ye bre mina toide edugwa. Ye kugo nuglo toide edidre, aglke ede ikne dumo Rama ogwa. Ana Devit we, Samuel ye kugo nuglo bre mina edugwa igne i Yawe Murubuglomo ye moglmara udre, yobuglo togwa. Te, Yawe Murubuglomo ye Devit moglmara kide kodokre, aimadi ye moglmara moglkwa.