18,19 Ana Yawe ere mogl, Moses yegl di togwa, Nun wam Josua we, na Murubuglona ye mina suna moglkwa. Ene Josua agre i pi Eleasar, tawa narukwa yagle i moglmara edin, Israel yoba mudu kan moraiglmiwa. Ye kan meglbi, ene ogon Josua bre wagle bolamugl padiglsre, ye ene againen inabuka i, ene Israel yoba di tenatniwa. 20 Ene yegl ersre, Israel yoba ye kamo duglo boraiglmedi ene yagl podo motnga namba i tau ye tenatniwa. 21 Ana okuo ye na siragl mere ye erabedi praglka i prabuka ta panan, ye tawa narukwa yagle Eleasar i morabara enabuka. Ye enan, Eleasar na di pre, kobuglo tau ye lap ta pirie wagle paugwa i mina kogl padiglkwa ikra kandre, na Josua siragl mere erabedi praglka i di tenabuka. Di tenan, Josua ya Israel yoba mudu ye Eleasar di tenabere keme eraiglmiwe di, yegl dugwa. 22 Yawe yegl dugo, Moses ye di tomere Josua agre i pi Eleasar moglmara edugo, Israel yoba mudu kan meglkwa. 23 Israel yoba kan meglko, Moses ye ogo Josua bre mina bolamugl padiglsre, Yawe okna Moses di tomere mere ere, Josua ye agaimo inabuka i, Israel yoba di togwa.