Mateus 13

14 ଅ଼ଡ଼େ ମାହାପୂରୁ ବ଼ଲୁ ୱେହ୍‌ନି ଜିସାୟତି ଈ କାତା ଏ଼ୱାରାକି ସାତା ଆ଼ନେ ।

ଈ ଲ଼କୁ ୱେଞ୍ଜିୱେଞ୍ଜିହିଁ ୱେନେରି, ଏ଼ନାଆଁ ତେଲ୍‌ହଅରି,

ମେସି ମେସିହିଁ ମେହ୍‌ନେରି ସାମା ଏ଼ନାଆଁ ପୁନଅରି;

15 ଇଚିହିଁ ଈ ଲ଼କୁତି ହିୟାଁ ଅଣ୍‌ପାଲି ଆ଼ଡାଆ ଗାଟାୟି,

ଏ଼ୱାରି କସ୍ତଟି କୀର୍କା ତଲେ ୱେଚେରି,

ଇଞ୍ଜାଁ ତାମି କାଣ୍‌କା ପଟିତେରି,

ଏ଼ନିକିଁ ଏ଼ୱାରି କାଣ୍‌କା ତଲେ ମେହ୍‌ଅରି,

ଅ଼ଡ଼େ କୀର୍କା ତଲେ ୱେନଅରି,

ଅ଼ଡ଼େ ହିୟାଁ ତଲେ ତେଲ୍‌ହଅରି

ଇଞ୍ଜାଁ ଏ଼ୱାରି ନା଼ ତା଼ଣା ୱେଣ୍ଡା ୱା଼ଅରି,

ଅ଼ଡ଼େ ନା଼ନୁ ଏ଼ୱାରାଇଁ ନେହିଁ କିଅଁ ।