Dəkəcop 48

Yakuba kətolanɛ kɔn awut arkun a Isifu

1 Ntɛ mes mamɔkɔ mencepər mɔ, k’aŋkɔ paloku Isifu a Papa kɔn ɛntamnɛ fɛ. Kɔ Isifu ɛlɛkɛnɛ awut ɔn mɛrəŋ Manase kɔ Ɛfrayim. 2 K’asɔŋɛ ti Yakuba kəcərɛ, k’aloku kɔ: «Wan kam Isifu eyi kəder nnɔ məyi mɔ.» Kɔ Yakuba oloŋka fənɔntər fɔn k’ɛyɛfɛ, k’ɛndɛ kəfənc kɔn kəroŋ. 3 Kɔ Yakuba oloku Isifu: «MARIKI nwɛ ɛntam mes fəp ma doru mɔ ɛnawurər im dare da Lus nde atɔf ŋa Kanaŋ k’ɔsɔŋ im temer kədepoc’em pətɔt.✝48.3 28.13 4 K’olok’im: ‹Indesɔŋ əm dokombəra, indesɔŋ’am kəla, indesɔŋ’am kəyɔnɛ wətem ka afum alarəm. Indesɔŋ atɔf ŋaŋɛ yuruya yam kɔ məncepər-ɛ, atɔf ŋaŋɛ ŋendeyɔnɛ ŋaŋan doru o doru.›» 5 «Ndɛkəl oŋ, awut mɛrəŋ aŋɛ məŋkom atɔf ŋa Misira a k’indeder nnɔ məyi mɔ, ŋandeyɔnɛ akemi. Ɛfrayim kɔ Manase ŋayɔnɛ akemi, pəmɔ tɔkɔ iyɔ Ruben kɔ Simeyɔŋ mɔ. 6 Mba awut aŋɛ məndekom oŋ aŋɛ mɛrəŋ tadarəŋ mɔ, akam ŋandeyi akakɔ, awɛnc aŋa ŋɔ ŋandesɔtər kɛ. 7 Kəder kem Padaŋ, kɔ Rasɛl efir im dɔpɔ da Kanaŋ, ta pəmbɔlɛ su kəbɛrɛ Efrata-ɛ. Difɔ inawup kɔ katina dəndo dɔpɔ da Efrata, nde pəyɔnɛ Betlɛhɛm mɔ.» 8 Kɔ Yakuba ɔmɔmən awut a Isifu k’eyif: «Are ŋɔ akaŋɛ-ɛ?» 9 Kɔ Isifu oloku papa kɔn: «Awut em ŋɔ, aŋɛ Kanu kəsɔŋ im nnɔ mɔ.» Kɔ Yakuba oloku: «Ilɛtsɛn’am məyɔ ŋa ŋacɔŋnɛ nnɔ itolanɛ ŋa.» 10 Detem dɛnalɔləs Yakuba fɔr. Ɛnctam fɛ sɔ kənəŋk. Kɔ Isifu ɔncɔŋ awut ɔn nde Yakuba eyi mɔ, kɔ Yakuba oncup ŋa, k’ɛmakərnɛ ŋa. 11 Kɔ Yakuba oloku Isifu: «Inacɛm-cɛmənɛ fɛ sɔ kədenəŋk əm. Mba Kanu kəsɔŋ’em k’inəŋk əm haŋ awut am!» 12 Kɔ Isifu eliŋ awut kas dələŋk, k’ɛncəp kəro dəntɔf. 13 Kɔ Isifu osumpər mɛrəŋ maŋan fəp waca, pəsumpərɛ Ɛfrayim kəca kətɔt mba pəyi kəca kəmeriya ka Yakuba, k’osumpərɛ Manase kəca kəmeriya mba pəyi Yakuba kəca kətɔt, k’ɔncɔŋɛnɛ ŋa sɔ nde wətem kəŋan eyi mɔ. 14 Kɔ Yakuba ɛntɛnc kəca kɔn kətɔt, k’endeŋ ki Ɛfrayim dəromp nwɛ ɛnafɛtɛ mɔ, k’endeŋər Manase kəca kɔn kəmeriya dəromp. Ɛnacərɛ belbel tɔkɔ ɔncyɔ waca wɔn mɔ, ali ntɛ Manase ɛnayɔnɛ wan wəcɔkɔ-cɔkɔ mɔ. 15 Motolanɛ mmɛ mɔ Yakuba ɛnatolanɛ Isifu:

«Kanu nkɛ kənəŋk papa kem aŋa Abraham kɔ Siyaka tecepərɛnɛ taŋan mɔ,

Kanu nkɛ kəŋkɛks’im kəyɛfɛ ntɛ iyi doru haŋ mɔkɔ mɔ,

16 Mɛlɛkɛ mmɛ mɛncyac im pəlɛc mɔ, mɔsɔŋɛ awut aŋɛ!

Pawe ŋa tewe tem

kɔ mewe ma papa kem aŋa, Abraham kɔ Siyaka.

Kanu kəsɔŋɛ ŋa kəkom pəlarəm nde atɔf ŋaŋɔkɔ dacɔ.»

17 Ntɛ Isifu ɛnəŋk kas pəcdeŋər Ɛfrayim kəca kɔn kətɔt mɔ, kɔ tɔntɔbɔt kɔ. Kɔ Isifu osumpər kəca ka kas, k’ɔncɔŋ ntende domp da Manase ta pədeŋər ki Ɛfrayim. 18 Kɔ Isifu oloku papa kɔn: «Ta məyɔ tantɛ, fɔtɔ Manase ɛbɛk. Nkɔn pəmar mədeŋər kəca kam kətɔt.» 19 Kɔ papa kɔn ɛfati, k’oloku: «Incərɛ ti, wan kem. Incərɛ ti! Nkɔn sɔ endeyɔnɛ wətem ka afum alarəm, endebɛk. Mba wɛnc Tɔŋɔ endebɛk kɔ, yuruya yɔn yendelas tɔf fəp.» 20 Kɔ Yakuba ontolanɛ ŋa dɔsɔk dadɔkɔ, k’oloku: «Mən’endesɔŋɛ Yakuba pəctolanɛ a pəckulɛ a: ‹Kanu kəsɔŋ’am kəyi pəmɔ Ɛfrayim, pəmɔ Manase!›» Tatɔkɔ tɔ Yakuba ɛnacəmbər Efrayim Manase kiriŋ. 21 Kɔ Yakuba oloku Isifu: «Kəfi k’inder! Mba Kanu kəndesolɛ nu. Kəndeluksɛ nu atɔf ŋa atem anu. 22 Imbɛrɛn’am pɔkɔ awɛnc əm aŋa ŋantɔdesɔtɔ mɔ*48.22 Paka papɔkɔ pɔyɔnɛ dare da Səkɛm., ip’ɔyɔnɛ mpɛ inabaŋərɛ aka Amɔr dakma dem kɔ ambəncəran ŋem mɔ.»