6 Tataka ta 40, kɔ Nuha eŋgbiti wundɛr nwɛ ɛnabɛr abil mɔ. 7 K’ɛsak abɛmp ŋa ser *8.7 Abɛmp ŋa ser = «abɛmp ŋa Mənar,» kɔ pəyɔnɛ fɛ ti-ɛ «kəwan ka asɛr.» ŋin kɔ ŋɔŋkɔ. Pəwon fɛ kɔ ŋoluksərnɛ, pənamar Nuha pəkar domun delip kəwosər dəntɔf. 8 Kɔ Nuha ɛsak sɔ antantoriya kəkɔmɔmən kɔ pəyɔnɛ a domun d’ontor-ɛ. 9 Mba ŋɛnasɔtɔ fɛ kəfo nkɛ ŋɛntam kəndɛ mɔ, bawo domun dɛnasɔrɔbaŋ antɔf fəp, kɔ ŋoluksərnɛ nde debil. Kɔ Nuha ɛntɛnc kəca k’osumpər ŋi, k’ɛmbɛrsɛ debil. 10 K’ɛŋkar sɔ mata camət-mɛrəŋ, k’ɛsak sɔ ŋi. 11 K’antantoriya ŋoluksərnɛ dec dɔrɔfɔy ŋɛgbəm tɔbɔpər tɛcaŋk ta kətɔk ka olif*8.11 Kətɔk ka olif = Yokom ya kətɔk kaŋkɛ kɔ nkɛ aŋwurɛ moro mmɛ antam kədi, pamotɛnɛ ki dəlamp, kɔ pəyɔnɛ fɛ ti-ɛ pasɔm pokom pa ki. . Kɔ Nuha ɛncərɛ katina a domun dɛncɛsɛ. 12 K’ɛŋkarɛnɛ sɔ haŋ tataka ta camət-mɛrəŋ, k’ɛsak sɔ antantoriya. Mba ntɛ ŋi ŋɔŋkɔ mɔ, ŋɛnalukus fɛ sɔ nnɔ eyi mɔ.