26 Kay manga inulug ku, anenganenga mayu ya pagtawag kamayu na Tyumanem idtu muna sa walaꞌ pa kamu pangintu-u kanan. Tabay oloꞌ kamayu ya awun kya-ede-an magi sa pag-iskuwila, aw tabay kamayu ya mangkalangkaw, aw tabay uman kamayu ya nya͡utaw adti manga pamilya na dengganen. 27 Manang yan baling ya pigpamalliꞌ na Tyumanem ya manga utaw na tagbiꞌ ya kya-ede-an, pada mulamula͡en ya manga utaw na migpalibantug sa katadeng nilan. Aw pigpamalliꞌ nan uman ya manga walaꞌ ya katundanan pada mulamula͡en ya manga utaw na migpalibantug sa katundanan nilan.