55 Aw pigpasulat pa na Tyumanem asini muna, law nan, "Ayin da ya katulus na kamatayen? Aw ayin da ya bisa nan?"*15:55 Mabasa adti Osiyas 13:14. 56 Ya bisa yeiy na kamatayen, yan ya pagpa-emel-emel na Tyumanem na un dumateng adti manga utaw asuntu sa manga salaꞌ nilan. Aw ya sampetan na salaꞌ, yan ya pagpa-emel-emel kay piglakadan na manga utaw ya suguꞌ na Tyumanem. 57 Manang pigpasalamatan tadun ya Tyumanem kay pigdeg da nan ya salaꞌ aw ya kamatayen, aw pig-atag nan kanaten na mabatug da tadun uman degen ya kadég yeiy magi sa kanaten Matas na Pangulu na si Jisu-Kristu.