7 Madég ya pigbukasan kanak na Tyumanem na walaꞌ ya maka-unawa, yanagaw pigpa-agiyan nan uman kanak ya malug pada diliꞌ aku magpatastas asuntu sa pigpakitaꞌ nan kanak. Pigtumbay nan kan Satanas na pati-isen aku, aw ya pagti-is yeiy kasiling na suksuk adti lawas ku pada diliꞌ aku magpalibantug. 8 Makatlu aku panginayuꞌ adti Tyumanem na kamangen nan yeiy lekat adi kanakeꞌ, 9 manang walaꞌ nan kamanga. Miglong baling sakanan kanak, "Umbaꞌ saba ya kanak grasya kanmu. Kay pig-apet da mu ya kanak katulus pangkay walaꞌ ya mabatug mu." Yanagaw magleya aku maglong na walaꞌ ya kanak mabatug, pada meyaꞌ asini kanaken ya katulus ni Kristu.