26 Maynan uman, ya Ispiritu Santo gayed kanaten tyumabang dun ni kalumay na ginawa tadun. Kay walaꞌ tadun ka-ede-i kun unu ya umbaꞌ sekaten adti Tyumanem, manang ya Ispiritu, yan ya magpatengaꞌ kanaten adti kanan dun ni pagpanawagtawag tadun, aw nyanginayuꞌ pada kanaten dun ni tingeg na bekeꞌ na kana utaw. 27 Ya Tyumanem, kya-ede-an da nan ya kadég na awun ni anenganeng na manga utaw. Aw kya-ede-an nan uman ya anenganeng na Ispiritu, kay yan ya magpanginayuꞌ adti kanan pada kanaten na manga mangintu-uway umbaꞌ sa pagbayaꞌ nan.