12 ଏଣ୍ତେସ୍‌ ମାପୁରୁଦି ମାଣାନ୍‌ ମାଙ୍ଗିଁ ଦୟାଦାନ୍‌ ସିତିମାନି ବିସୟ୍‌କୁୱିଜୁ ମାଡୁ ନେସ୍‌ତେଙ୍ଗ୍‌ ଆଟ୍‍ନିକା, ଇୟାଉଣ୍ତିଙ୍ଗ୍‌ ମାଡୁ ଜଗତ୍‌ତି ଆତ୍ମା ପୟ୍‌ଏଣ୍‌ଗା ମାପୁରୁଦି ଆତ୍ମା ପୟ୍‌ତିମାନିକା ।

13 ଆଦେଙ୍ଗ୍‌ ନେସ୍‌ତିମାନି ବୁଦିଦି ଲୋକା ଲାକ୍‌ତୁ ନେସ୍‌ତି ସତ୍‌ତିକା ୱେର୍‌ନିୱାଲେ ମାପୁ ଦୁନିଆଦି ବୁଦିଦାନ୍‌ ମାଟା ଇନ୍‌ଏପ୍‌ ମାନାପ୍‌, ମାତର୍‌ ଆତ୍ମିକ ବିସୟ୍‌ୱିଜୁ ଆତ୍ମିକ ବିସୟ୍‌ଦାନ୍‌ ବୁଜାକିଜି ପବିତ୍ରଆତ୍ମାଦାନ୍‌ ନେସ୍‌ତିମାନି ବାକ୍ୟଦାନ୍‌ ୱେର୍‌ନିକା । 14 ମାତର୍‌ ଦୁନିଆଦି ଲୋକୁ ମାପୁରୁଦି ଆତ୍ମାଦି ବିସୟ୍‌କୁ ମାନାଏନ୍‌, ଇରିଙ୍ଗ୍‌ ଇୟାୱିଜୁ ୱାନି ଲାକ୍‌ତୁ ମୁର୍କୁ, ମାରି ୱାନ୍‌ ଆୟାୱିଜୁ ବୁଜାଦେଙ୍ଗ୍‌ ଆଟ୍‍ଏନ୍‍, ଇରିଙ୍ଗ୍‌ କେବଲ ଆତ୍ମାଦୁମାନି ଲୋକୁ ଆୟାୱିଜୁଦିଙ୍ଗ୍‌ ବିଚାର୍‌ କିଦେଙ୍ଗ୍‌ ଆଟ୍‍ନାନ୍‍ ।