15 ମି ମେନ୍ଧଲ୍‍ ଜେ କ୍ରିସ୍ତଦି ମେନ୍ଦଲ୍‌ତି ଉନ୍‌ଡ୍ରି ବାଗ୍‌ ୱାଜା, ଇକା ଇନିକା ନେସ୍‌ଇଦେର୍‌ ? ଆର୍‌ତିଙ୍ଗ୍‌ ନାନ୍‌ ଇନିକା କ୍ରିସ୍ତଦି ମେନ୍ଦଲ୍‌ତିଙ୍ଗ୍‌ ଆସ୍‌ସିସୋଲ୍‌ସି ବେସ୍ୟାଦି ମେନ୍ଧଲ୍‍ କିନା ? ଆକା ଏସ୍‌କାଙ୍ଗ୍‌ବା ଆମାକିତ୍‌ । 16 ମାରି ଏନ୍‌ ବେସ୍ୟାଦି ୱାଲେ ମିସାନାର୍‌, ୱାନ୍‌ ୱାନି ୱାଲେ ଉନ୍‌ଡ୍ରେ ମେନ୍ଦଲ୍‌ନେ ଆନା‌ର୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ଇରିଙ୍ଗ୍‌ ସାସ୍ତ୍ରଦୁ ନେଗେନ୍‌ତାନ୍‌ ରାସ୍‌ତା ମାନାତ୍‌, "ଆୟା ରିଏର୍‌ ଅରେନ୍‌ନେ ଆନାର୍‌ ।" 17 ମାତର୍‌ ଏନ୍‌ ପ୍ରବୁଦି ୱାଲେ ମିସାନାନ୍‌, ୱାନ୍‌ ୱାନି ୱାଲେ ଆତ୍ମାଦୁ ଉନ୍‌ଡ୍ରେ ଆନାତ୍‌ ।

18 ଦାରିପାଣିଦାନ୍‌ ଆକ ମାନ୍‌ଡ୍ରୁ । ଆଇ ଇନି ପାପ୍‍ ଲୋକ୍‌ତି ମେନ୍ଦଲ୍‌ତିଙ୍ଗ୍‌ କାରାପ୍‌ କିଏତ୍‌ । ମାତର୍‌ ଏନ୍‌ ଦାରିପାଣି କିନାନ୍‌, ୱାନ୍‌ ନିଜେଦି ମେନ୍ଦଲ୍‌ତି ବିରୁଦ୍‌ତାନ୍‌ ପାପ୍‌ କିନାନ୍‌ । 19 ✝ଇକା ଇନିକା ମିର୍‌ ନେସ୍‌ଇଦେର୍‌ ? ମାରି ମି ମେନ୍ଧଲ୍‍ ଜେ ମାପୁରୁଦିମାଣାନ୍‌ ପୟ୍‌ତି ମି ଜିବନ୍‌ତୁବାସାନି ପବିତ୍ରଆତ୍ମାଦି ମନ୍ଦିର୍‌, ମାରି ମିର୍‌ ନିଜେ ନିଜେଦି ଆଇଦେର୍‍, ମାତର୍‌ ମାପୁରୁଦିକାର୍‌ । 20 ୱାନ୍‌ ମିଙ୍ଗିଁ ନାଣ୍ତ ଦାରା ସିଜି କଟାମାନାନ୍‌; ଆଦେଙ୍ଗ୍‌ ମି ମେନ୍ଦଲ୍‌ତାନ୍‌ ମାପୁରୁଦି ଦନ୍ୟବାଦ କିଦୁ ।