ଆଇ ମାନି କନ୍ଲିରି ଉଣ୍ତିଙ୍ଗ୍ ସିକିୟା
1 ୩:୧ ଏପିସିୟ ୫:୨୨; କଲସିୟ ୩:୧୮. ଇୟାୱାଜା ଏ ଆଇମେକ୍ ! ମିରୁ ମି କନ୍ଲିରିଙ୍ଗ୍ ମାନାଦୁ । ଆର୍ତିଙ୍ଗ୍, ଜଦି ମାପୁରୁଦି ବାକ୍ୟଦୁ ବିସ୍ବାସ୍ କିଏଜି ମାନାନ୍, ଆର୍ତିଙ୍ଗ୍ ମି ବୁଲାସାଲାନି ମାଣୁକୁ ଆୟା ବାକ୍ୟ ଉଣ୍ତିଙ୍ଗ୍ ୱାନି ବିସ୍ବାସ୍ ପିର୍ନାତ୍ । ମିର୍ ପଦ୍କେ ବା ଇନିକା ଇନ୍ଡ୍ରେଙ୍ଗ୍ ଦର୍କାର୍ ସିଲେତ୍ । 2 ଇରିଙ୍ଗ୍ ମି ନେଗି ବୁଲାସାଲାନିକା ମାରି ଦାର୍ମୁ ଜିବନ୍ ୱାର୍ ସୁଡ଼ୁନାର୍ । 3 ୩:୩ ୧ ତିମତି ୨:୯.କୁକୁଟି ତିଆର୍ଆନିକା, ନିଜେ ରଜ୍ନିକା, ନେଗି ୱାତିଗନ୍ଦା ଆରାନିକା, ବାଙ୍ଗାଁରାମ୍ ଆରାନିକା ୱିଜୁ ଆତ୍ରେ ତିଆର୍ମିଆର୍ ଆଜି ନିଜେଦି ସବା ତର୍ନିକା ମିରୁ କିଇକାମାନାତ୍ । 4 ସତ୍ତି ସୁନ୍ଦର୍ ଆଜିନାତ୍, ମି ଜିବନ୍ତି ଦାର୍ମୁ ମାରି ସାନ୍ତି ମାର୍ଗିତିମାନିକା ସୁନ୍ଦର୍ ମାପୁରୁଦି କାଣେକେଆଙ୍ଗାଁ ୱିଜୁଦିମାଣୁକୁ ନାଣ୍ତ୍ନେଗିକା । 5 ପୁର୍ବେକାଡ଼ାଦୁ ଆମା ଦାର୍ମୁଦି ଆଇମେକ୍ ମାପୁରୁଦିମାନୁ ଆସା ଇଟ୍ତେମାରେଏ, ୱାକୁ ନିଜେଦି କନ୍ଲିରିଙ୍ଗ୍ଁ ମାନାନିମାଣାନ୍ ନିଜେଦିଙ୍ଗ୍ଁ ନେଗେନ୍ ତିଆର୍ ଆଜି ମାର୍ଏ । 6 ସାରା ଆୟାୱାଜା ଅରେତ୍ ଆଇମା ମାର୍ହାତ୍ । ୱାଦ୍ ଅବ୍ରାହାମ୍ଦି ମାଟା ମାନାଜି ୱାନିଙ୍ଗ୍ ପ୍ରବୁ ଇଜି ମାନାଜିମାରାତ୍ । ମିରୁ ଇଲେଇ ତାନି ଗାଡ଼୍ସିକ୍ । ଜଦି ମାନାତିଙ୍ଗ୍, ଆର୍ତିଙ୍ଗ୍, ଇନି ବିସୟ୍ ମିଙ୍ଗିଁ ମାରି ତିଲିସ୍ କିଦେଙ୍ଗ୍ ଆଟ୍ଏତ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)