4 ମାରି ମାଡୁ ୱିଜୁ ଅବସ୍ଥାଦୁ ନିଜେଦିଙ୍ଗ୍ ମାପୁରୁଦି ସେବାକିନିକା ୱାଜା ଜାଣାସିନା କିଜିନାପ୍ । ନାଣ୍ତ ସାହାସ୍ତାନ୍ ମାପ୍ ୱିଜୁ ରକମ୍ତି କାସ୍ଟୁ, କାକୁର୍ତି ମାରି କାସ୍ଟୁ ସାସ୍କିତାମାନାପ୍; 5 ୬:୫ ପ୍ରେରିତ ୧୬:୨୩.ମାପ୍ ମାଡ୍ ତିର୍ଆର୍ହାପ୍, ଜେଲଦଣ୍ତ ବୋଗକିତାମାନାପ୍, ଜୁଦ୍ଦୁ ସାମ୍ନା କିତାମାନାପ୍; ନାଣ୍ତକାସ୍ଟୁପାଣି କିତାମାନାପ୍, ଅନିଦ୍ରାଆଜି ତେବାତାପ୍ ମାରି କାଦି ଉଣୁଏଣ୍ଗା ତେବାତାମାରାପ୍ । 6 ମା ପବିତ୍ରତା ବୁଦି, ସାହାସ୍, ଦୟା, ସତ୍ ଜିବନ୍ନୋନିକା ମାରି ସତ୍ତି ମାଟା ଉଣ୍ତିଙ୍ଗ୍ ପବିତ୍ର ମାପୁରୁଦି ସାକ୍ତିଦାନ୍ ମାପ୍ ମାପୁରୁଦି ସେବକ ଇଜି ପରିଚୟ ସିତାମାନାପ୍, 7 ସତ୍ ବାକ୍ୟଦୁ, ମାପୁରୁଦି ସାକ୍ତିଦୁ ଉଣେରି ତରିନ୍ ନି ଡେବ୍ରି ତରିନ୍ ବିରୁଦ୍ତାନ୍ ଲଡ଼େଇ କିନି ଉଣ୍ତିଙ୍ଗ୍ ଦାର୍ମୁ ଜିବନ୍ ମା ପେରି ସାଜୁ । 8 ମାପ୍ ସନ୍ମାନ୍ ଆଜିନାପ୍ ମାରି ଅପମାନିତ ଆଜିନାପ୍, ପ୍ରସଂସା ମାରି ସେମାର୍ ପୟ୍ଜିନାପ୍ । ମାଙ୍ଗିଁ ମିଚୁଆର୍ ଇଜି ଅପମାନ୍ ସିତାମାନାର୍, ଆତିଙ୍ଗ୍ଁବା ମାପ୍ ପୁରା ସତ୍ ଇଜିନାପ୍ । 9 ମାପ୍ ନେସ୍ତି ଲୋକ୍ ଆଜି ବା ନେସ୍ଇ ଲୋକା ୱାଜା, ଜିବନ୍ ମାନ୍ଜି ବା, ସାତିକାର୍ ଇଜି ଦର୍ପୟ୍ତାପ୍ । ମାପ୍ ଦଣ୍ତ୍ ପୋଇତାମାନାପ୍, ମାତର ସାଏପ୍ । 10 ମାପ୍ ଆଡ଼୍ବାଜି ବା ୱିଜୁଦିନ୍ ୱେଡ଼ିକା । ମାପ୍ କାକୁର୍ତିୱାଜା ତରାଜିନାପ୍, ମାତର ଏସ ଲୋକାଙ୍ଗ୍ ମାଜନ୍କିତାମାନାପ୍ । ମାଙ୍ଗିଁ ଇନିକା ସିଲେତିୱାଜା ମନେଆଜିନାତ୍, ମାତର ସତ୍ତାନ୍ ମାପ୍ ୱିଜୁଦି ଅଦିକାରିର୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)