1 ✝ତେନି ୱେନେକା ନାନୁ ଉଣ୍ତ୍ରି ପୁନି ବାଦଡ଼୍‍ ମାରି ପୁନି ଦୁନିଆ ସୁଡୁତା । ପାଡ଼ିଇ ବାଦଡ଼୍‍, ପାଡ଼ିଇ ଦୁନିଆ ମାରି ସାମ୍‍ଦୁରୁ ସିଲେତାତ୍‍ । 2 ✝ମାରି ଉଣ୍ତ୍ରି ପବିତ୍ର ଗାଡ଼୍‌, ପୁନି ଜିରୁସାଲାମ୍, କାନ୍ୟା ରୁପ୍‌ତାନ୍ ତିଆର୍‍ଆଜି ମୁସ୍‌କୁପୁର୍‌ଦାନ୍ ମାପୁରୁଦି ଲାକୁତୁ ଦେସ୍ ମୁସୁକୁ ରେତାନିକା ସୁଡ଼ୁତା । 3 ମାରି ମୁସ୍‌କୁପୁର୍‌ ସିଂହାସନ୍‍ତାନ୍ ଉନ୍‍ଣ୍ତ୍ରି ମାଟା ଆତାତ୍, "ଇଲେଇ ମାପୁରୁଦି ଆସା ଲୋକା ମାଡ଼ାନ୍; ୱାନ୍‌ ୱାରି ସଙ୍ଗତାନ୍ ବାସା କିନାର୍ ମାରି ୱାର୍‌ ୱାନି ନିଜେଦି ଲୋକୁ ଆନାର୍ । ମାପୁରୁ ୱାରିୱାଲେ ବାସାକିନାର୍ ମାରି ୱାରି ମାପୁରୁ ଆନାର୍ । 4 ୱାର୍‌ ୱାରି କାଣ୍‍ଗାଦି କାଡ଼େର୍‌ଙ୍ଗୁ ୱିଜୁ ତେଲ୍‌ଜି ସିନାନ୍ । ସାନିକା, ସିନ୍ତା, ଆଡ଼୍‍ବାନିକା ଇରିଙ୍ଗ୍‌ ନୋପି, ମାରି ଇନିକା ତେବାଏତେନି । ୱିଜୁ ପାଡ଼ିଇ ବିସୟ୍‌ ମାର୍‌ଗିତାତ୍ ସରାତ୍ ।"

5 ସିଂହାସନ୍‌ତି ମୁସ୍‌କୁପୁର୍‌ତି ମାପୁରୁ ଇର୍ହାନ୍‌, "ହୁଁ, ନାନୁ ୱିଜୁ ବିସୟ୍‌ ପୁନିକା କିତାନ୍‍ମାନାନ୍ ।" ମାରି ୱାନ୍‌ ନାଙ୍ଗି ଆଦେସ୍ ସିତାନ୍‌, "ଇୟାୱିଜୁ ମାଟା ରାସ୍‌ସ ଇଡୁଦୁ ମାତର୍‌ ଇକା ସତ୍‌ ମାରି ବିସ୍‌ବାସ୍‌ ।" 6 ମାରି ବା ୱାନ୍‌ ଇର୍ହାନ୍‌, "ପାଣି ୱିଜିତା ମାନାତ୍‌ । ନାନୁ ପାର୍‌ତୁମ୍‌ ନି ସେସ୍‍ ମାରି ଆଗ୍‌ଡ଼ି ନି ୱେନ୍‌କା । ଏନ୍ ଏରିକି, ଜିବନ୍‌ସିନି ଏରୁ ଲାକୁତୁ ନାନୁ ୱାନିଙ୍ଗ୍‌ ଆରେଦାନ୍ ଉଟ୍‍ପିସ୍‍କିଦେଙ୍ଗ୍‍ ସିନାନ୍ । 7 ଏନ୍‌ ଜିଣାଜି ତେବାନାନ୍‌, ନାନ୍‌ ୱାନିଙ୍ଗ୍‌ ଇୟା ପୁରସ୍କାର୍‍ ସିନା ନାନ୍‌ ୱାନି ମାପୁରୁ ଆନା ମାରି ୱାନ୍‌ ନା ମାରିନ୍‌ ଆନାନ୍‌ । 8 ମାତର୍‌ ତିଲାନିକାର୍‌, ଅବିସ୍‌ବାସି, କାଡ଼ିନିକାର୍, ଲୋକାଙ୍ଗ୍‍ ୱେଡ଼ିଇକାର୍ ଦାରିପାଣିକିନିକାର୍ ଗୁଣିଆର୍, ବମା ପୁଜାକିନିକାର୍‌, ମିଚ୍‌ ୱେର୍‌ନି ୱିଜେରେ ତାଗିଇ ୱାରି ଜାଗା ଆଜିନାତ୍, ଗନ୍ଧକ୍‍ତାନ୍ କାସ୍‌ସିମାନି ସିସୁଗୁଟା ଆବେନୁ ୱାର୍‌ ରିଜାସାନି ଦଣ୍ଡ୍‌ ପୋଇନାର୍ ।"

9 ସପ୍ତ ସାରାସାରି ମହାମାରି ପୁରା ସପ୍ତ ଡୁବାଇ ଆସ୍‌ସିମାନି ସପ୍ତ ଦୁତ୍‍ଙ୍ଗ୍‌ ମାଡ଼ାନ୍ ଅରେନ୍‌ ନା ଲାକୁତୁ ୱାଜି ଇର୍‌ଆନ୍‌, "ରାଦୁ, ମେଷସାବକଦି ଆଡ଼୍‌ସିଙ୍ଗ୍‌ ତରନା ସିନା ।" 10 ଆବେଟ୍‌କୁ ୱାନ୍‌ ନାଙ୍ଗିଁ ଆତ୍ମାଦାନ୍‌ ଉଣ୍ତ୍ରି ପେରିକା ମାରି ନିରିଇ ଗରନ୍‍ତୁ ଆସ୍‌ସି ଅସି ପବିତ୍ର ଗାଡ଼୍‌ ଜିରୁସାଲାମ୍‍ଦିଙ୍ଗ୍‌ ତୋରିସ୍ତାନ୍, ଆକା ମୁସ୍‌କୁପୁର୍‌ଦାନ୍ ମାପୁରୁ ଲାକୁତୁ । 11 ରେତାଜି ୱାଜିମାର୍ହାତ୍‌ ମାରି ମାପୁରୁ ଗୌରବ୍‍ ପୋଇଜି ମାର୍ହାନ୍‌ ୱାନି ଜାୟ୍‌ ବେସିନେଗିକା ମଣି ବାଙ୍ଗାଁରାମ୍ ୱାଜା, ନେଗି ୱେଡ଼ାଦିଗଡ଼ା ୱାଜା । 12 ଇୟାତାନି ଉଡ୍ରି ନିରିଇ ଗଡା ମାର୍ହାତ୍‌ । ଇୟା ଗଡାଦୁ ବାରଗୋଟା ମୁସ୍‌କୁପୁର୍‌ଦି ଦୁତ୍‌କାମାଣାନ୍‌ ରକିୟାକିନି ବାରଗୋଟା ସେର୍‍ଲେଙ୍ଗ୍‌ ମାରେଏ ମାରି ଆୟା ସେର୍‌ଲେଙ୍ଗାଁ ମୁସୁକୁ ଇସ୍ରାଏଲ୍‌ ଜାତିଦି ବାରଗୋଟା କଟୁମ୍‌ତି ଦର୍‌କୁ ରାସାତା ମାନାତ୍‌ । 13 ଗଡାଦି ୱିଜୁତରିନ୍‌ ମୁଣ୍ତ୍ରି ସେର୍‌ଲେଙ୍ଗ୍‌ ମାରେଏ : ଆଗ୍‌ଡ଼ି ତରିନ୍‌ ମୁଣ୍ତ୍ରି, ଡେବିରି ତରିନ୍‌ ମୁଣ୍ତ୍ରି, ଉଣି ତରିନ୍‌ ମୁଣ୍ତ୍ରି ମାରି ୱେନ୍‌କା ତରିନ୍‌ ମୁଣ୍ତ୍ରି । 14 ଗାଡ଼୍‌ତି ଇୟା ଗଡାଦିଙ୍ଗ୍‌ ବାରଗୋଟା କାଲ୍‌କାଙ୍ଗ୍‌ଦି ଅସାର୍‍ତି ମୁସୁକୁ ତିଆର୍‍ ଆତାମାର୍ହାତ୍‌ ମାରି ଆୟା ଦାସ୍‍ଗୋଟା ଅସାର୍ ମୁସୁକୁ ମେଣ୍ତାପିଲାଦି ବାର୍‍ଲୋକ୍ ପ୍ରେରିତ ସିସୁରି ଦରୁକୁ ରାସାତାମାର୍ହାତ୍‌ । 15 ନାୱାଲେ ୱାର୍‌ଗିଜିମାନି ଦୁତ୍‍କା କିୟୁଦୁ ଗାଡ଼୍‌ତି, ଗଡା ମାରି ସେର୍‌ଲେଙ୍ଗ୍‌ ଲେକିସ୍‌କିନି ଉଣ୍ତିଙ୍ଗ୍‌ ଉଣ୍ତ୍ରି ବାଙ୍ଗାଁରାମ୍‍ତି ଲେକିସ୍‌କିନି କାଣ୍ତି ମାର୍ହାତ୍‌ । 16 ଗାଡ଼୍‌ତି ନାଲିଗିକନାଦିକା ମାରାତ୍; ତାନି ଲମ୍ୱା ମାରି ଅସାର୍ ସାମାନ୍ ମାର୍ହାତ୍‌ । ଦୁତ୍‌ ତାନି ଲେକିସ୍‌କିନି କାଣ୍ତିଦାନ୍ ଗାଡ଼୍‌ତିଙ୍ଗ୍‌ ଲେକିସ୍‌ କିତାତ୍ । ତାନି ଲମ୍ୱା ମାର୍ହାତ୍‌ , କିଲୋମିଟର୍ ମାରି ଅସାର୍ ମାରି ନିରିକା ଲମ୍ୱାଦି ୱାଲେ ସାମାନ୍ ମାର୍ହାତ୍‌ । 17 ଦୁତ୍‌ ଗଡାଦି ନିରିକା ବା ଲେକିସ୍‌ତାତ୍ । ଆକା ମିଟର୍ ମାର୍ହାତ୍‌ । 18 ଆୟା ଗଡା ୱେଡ଼ାଦି ମଣିଦାନ୍‌ ତିଆର୍‌ଆତିକା, ମାରି ଗାଡ଼୍‌ ନେଗି କାୟାଦି ୱାଜା ପୁରା ବାଙ୍ଗାଁରାମ୍‍ତାନ୍‌ ତିଆର୍‌ ଆତାମାନାତ୍‌ । 19 ଗାଡ଼୍‌ତି ସାରିବେଡ଼ିତି ମାନି ଗଡାଦି ଅସାର୍ ହିରାକାଲ୍‌କାଣି ମଣିଦାନ୍‌ ତିଆର୍‍ ଆତାମାରାତ୍, ପାର୍‌ତୁମ୍‌ କୁନାଦିକନାଦୁ ମାରାତ୍ ହିରାକାଲୁ, ଦୁଇ ନମ୍ୱର୍‌ତୁ ମାର୍ହାତ୍‌ ନିଲକାନ୍ତ ମଣି, ତିନି ନମ୍ୱର୍‌ତି ବୋଦୁର୍ଯ୍ୟ ମଣି, ଚାର୍‌ ନମ୍ୱର୍‌ତି ମରକତ ମଣି । 20 ପାଞ୍ଚ୍‌ ନମ୍ୱର୍‌ତି ପୁଳକ ମଣି, ସଅ ନମ୍ୱର୍‌ତି ମାଣିକ୍ୟ ମଣି, ସାତ୍‌ ନମ୍ୱର୍‌ତି ପୁଙ୍ଗୁଁ ମଣି ଆଟ୍‌ ନମ୍ୱର୍‌ତି ଫିରୋଜ ମଣି, ନଅ ନମ୍ୱର୍‌ତି ଗୋମେଦକ ମଣି, ଦାସ୍‌ ନମ୍ୱର୍‌ଦି ଲସୁନିୟ ମଣି, ଏଗାର୍‌ ନମ୍ୱର୍‌ଦି ଇନ୍ଦ୍ରଦନୁ ମଣି, ମାରି ବାର୍‌ ନମ୍ୱର୍‌ଦି ବାସ୍‌ନାଆନି ମଣି, ମାରେଏ । 21 ଦାସ୍‍ଗୋଟା ସେର୍‍ଲା ମାରେଏ, ଦାସଗୋଟା ମୁକ୍‌ତେଙ୍ଗ୍‌ ୱିଜୁ ସେର୍‍ଲେଙ୍ଗ୍‌ ଉଡ୍ରି ମୁକ୍ତାଦି ତିଆର୍ ଆତେମାରେଏ । ଗାଡ଼୍‌ତି ସାରି ପୁରା ନେଗି କାୟାଦି ୱାଜା ପୁରାନେଗିକା ବାଙ୍ଗାଁରାମ୍‍ତାନ୍ ଆତାମାନାତ୍ ।

22 ନାନୁ ଗାଡ଼୍‌ତି ଏମେ ମନ୍ଦିର୍‌ତିଙ୍ଗ୍‌ ସୁଡ଼ୁଦେଙ୍ଗ୍‌ ଆଟ୍‍ଏତା, ମାତର୍‌ ନିଜେ ସର୍ବସାକ୍ତିମାନ୍ ମାପୁରୁ ମାରି ମେଣ୍ତାଗଡ଼ୁଦି ୱାନି ମନ୍ଦିର୍‌ ଆନାତ୍ । 23 ଗାଡ଼୍‌ତିଙ୍ଗ୍‌ ଜାୟ୍‌ କିନି ଉଣ୍ତିଙ୍ଗ୍ ୱେଡ଼ା ବା ଲେଜୁଦି ଜାୟ୍‌ ସିଲେତ୍‌, ମାତର୍‌ ମାପୁରୁଦି ଗୌରବ୍‍ତାନ୍‍ ଆକା ଜାୟ୍‌ ଆଜିନାତ୍ ମାରି ମେଣ୍ତାଗଡ଼ୁଦି ୱାନି ଦିୱା ଜାୟ୍‌ ୱାଜା । 24 ଦୁନିଆଦି ୱିଜୁଜାତିଦି ଲୋକାଙ୍ଗ୍‌ ୱାନି ଜାୟ୍‌ଦୁ ବୁଲାସାଲାକିନାର୍ । ଦେସ୍‌ତି ରାଜାରି ମାନୁ ୱାରି ଦନ୍‌ ସମ୍ପତ୍ତି ତାସି ସିନାର୍‌ । 25 ଗାଡ଼୍‌ତି ସେର୍‌ଲେଙ୍ଗ୍‌ ୱିଜୁ ୱିଜୁଦିନ୍‌ ରେଆତାମାନାତ୍ ଆୟାୱିଜୁ ଏସାଙ୍ଗ୍‌ ବା ବୁଲ୍‌ କିଏର୍‍ନି; ମାତର୍‌ ଆବେନୁ ଏସାଙ୍ଗ୍ ସିକାଟି ଆଏତ୍ । 26 ୱିଜୁ ଦେସ୍‌ତୁ କାବାଆନିକା ମାରି ମହିମା ଇୟା ଗାଡ଼୍‌ତୁ ୱାଜି ଉଣ୍ତାନାର୍ । 27 ଇନିକା ତାଗ୍‍ଇ ଜିନିସ୍‌ ଇବେନୁ ତାସି ରେଏର୍‌ । ତାଗ୍‌ଇ ପାଣିଦୁ ମାନିକାର୍ ତାଗ୍‌ଇକାର୍‌ ମାରି ମିଥ୍ୟାବାଦିର୍‌ ଇୟା ଗାଡ଼୍‌ଦୁ ଡ଼ୁଗୁଦେଙ୍ଗ୍‌ ଆଟ୍‍ଏର୍‍ । ଏମେୱାରି ଦରୁ ମେଣ୍ତାପିଲାଦି ଜିବନ୍‌ ବଇଦୁ ରାସାତିମାରିଙ୍ଗ୍‌, କେବଲ ୱାରେଏ ଇୟା ଗାଡ଼୍‌ତୁ ସନ୍‌ଡ୍ରେଙ୍ଗ୍‍ ଆଟ୍‍ନାର୍ ।