Psalm 123

Talodalo e madau tumaalia*123.0 Taahili dela e daahili go digau ala e hula gi Jerusalem belee daumaha i golo

1 Meenei Dimaadua, au e daumada aga Goe gi di langi i do gowaa dela e dagi.

2 E hai gadoo be tangada hai hegau daane be ahina dela e gana gi dono dagi,

deelaa gadoo di madau hai e gana adu gi di Goe, meenei Dimaadua,

gaa dae loo gi do dumaalia mai gi gimaadou.

3 Meenei Dimaadua, Goe dumaalia mai, dumaalia mai gi gimaadou.

Gimaadou guu hai haga huaidu huoloo.

4 Gimaadou gu waalooloo huoloo di madau haganneennee go digau maluagina,

mo di haga balumee go digau e hagaamu ginaadou ala e hai haga huaidu gimaadou.