1 Dimaadua la di King.

Mee e laagei gi nia mahi mo nia madamada.

Henuailala gu mau dangihi gi dono lohongo, gu deemee di ngalungalua.

2 Meenei Dimaadua, do lohongo king la nogo mau dangihi mai loo i taamada,

gaa dae mai gi dangi nei, gei Goe nogo i golo mai taamada.

3 Meenei Dimaadua, di llala di moana e ngoloolo, digaula e ngoloolo loo gi nua.

4 Dimaadua e dagi di langi i ono mogobuna.

Ono mogobuna koia e mahi i di ngoloolo o di moana,

ge koia e maaloo i nia beau llauehaa o di moana.

5 Meenei Dimaadua, au haganoho le e waalooloo hua beelaa,

gei do Hale Daumaha la koia e dabuaahia huoloo, gaa hana hua beelaa.