Psalm 15:2,4,5

2 Ma go digau ala e hagalongo ang gi God i nia mee huogodoo,

ge e hai nia mee ala e donu i nia madagoaa huogodoo,

ge e helekai donu aga i lodo nadau manawa,

4 ge e hagadugina i digau ala gu haga balumee go God,

ge e hagalabagau hua digau ala e hagalongo ang gi Dimaadua,

ge e haga gila aga ana mee ala ne hagababa i nia madagoaa huogodoo,

ma e aha maa e haingadaa ang gi ginaadou,

5 ge hagalee kumi nia wiini o nadau bahihadu

ala ne wanga gi tangada bolo e hai hegau ai,

ge hagalee hai digau hagamaamaa dilikai

belee hai baahi gi tangada deai ono huaidu ai,

bolo gii kumi nia teenedi a maa.

Malaa, tangada dela e hai nia mee aanei

le e noho humalia ang gi deia

i lodo nia haingadaa gaa hana hua beelaa.