Psalm 4:2,4,6-8

2 Goodou go nia daangada, e waalooloo behee

go di godou hai baahi mai gi di au?

E waalooloo behee go di godou haga dahidamee nia mee ala ono hadinga ai,

mo di daudali nia kai tilikai?

4 Goodou polepole mo di mmaadagu ge gi dugua godou haihai huaidu.

Goodou hagamaanadu gi humalia di mee deenei,

i godou madagoaa ma gaa moe deemuu i hongo godou hada.✝4.4 Ephesians 4.26

6 Digau dogologo e dalodalo beenei:

"Gaamai gi gimaadou labelaa gi no nua o hagahumalia,

meenei Dimaadua, Goe manawa dumaalia mai gi gimaadou!"

7 Gei di tene dela ne gaamai Kooe gi di au,

la koia e damanaiee laa hongo nia tenetene o digau

ala e tene gi nadau ‘wheat’ mo nadau waini.

8 Dogu madagoaa ma gaa moe gi lala, gei au e kii i lodo di aumaalia,

idimaa Kooe, meenei Dimaadua, dela e hagaloohi au.