1 Be koai e dugu anga ia gi Dimaadua e benebene,

geia gaa noho i lala nia madamada humalia o Dimaadua Koia e Aamua.

2 Tangada deelaa e mee di helekai gi Mee,

"Goe go dogu Dangada Daa mo dogu Abaaba.

Goe go dogu God, dela e hagadagadagagee ginai au."

3 Mee ga benebene mai goe gi daha mo nia mee hagalliga huogodoo ala e de gidee,

ge mai gi daha mo nia hagadilinga magi huogodoo ala ga hidi mai iei goe gaa made.

4 Mee gaa gahu goe gi ono bakau, gei Mee ga benebene goe hagahumalia.

Dono manawa dahi ga benebene mo di abaaba goe.