Tiago 4

Musizwilobe fuba

13 Tjiwhililani ke imwi munoti, "Nasi kene mangwana towhoyenda kuwumwe nzi tikanolaluka ko gole, tihaba tiwana mari njinji"; 14 imwi musingazibe nekwelemangwana. Butjilo gwenyu guni kene? Ngobe monga fulele inobayapo kwelubaka nyana ibva ipela. 15 Makafanila kuti muti, "Hapa He bebvuma, towhotjila tikathama whoku nawhokuya." 16 Sangwenu, mozwiloba fuba nezwamunohaka thama. Kose ikoku zwiloba fuba kwakayipa.

17 Kene yani unoziba kuti ini tjakatambunuka tjaakafanila yeta ekokon’wa tjithama, wathama jinyo.