1 Nyayisinɛ n shɔbiiyi, ɔ gakiu Ɗa tɔ nɛ Uɓeyelapa u ruubii u yɛ ɗekɨn u raaɗɔ mɛɛli, shɔ tɛ naa kazitini, ji nagbete si awɔ ateteyɛ. 2 Ɔ gaki Ɗa nɛ Ɗalapa u raautɔ a shɔlanɛ a shɔ kɔ̃linɛyi naani; aruviya i ɓa piti kpai i ã sisɨnrɛ ɓa
3 Ama Uɓeyelapa u sisɨn ãnɛ aɗɔn, yɛ lakɔɔ kaka tɔ u kɔwɔrɛ a shɔ kɔ̃linɛn naani. 4 Uɓeyelapa masiu bi tɛttɔ awɔ yuuni, u zɛ tɛttɔ ɔ ɗɔ pɛlinɛ, ɔ yɛ yɛ ɗekɨntɔ a vigbete u gelɔɔ n-tɛ ɔ pɛliyɛni.
5 Mɛnɛ Uɓeyelapa u tɛɛsɔɔ ɗekɨn ɔ zɛ Ɗalapa ɔrinɛ fɛ̃ɛm a sisɨnmɛɛnɛ gbete Kirisi ãyɛnitɔ.
6 U shɔbiiyi u ãsɔɔ nyatɛ a Uɓeyelapa Yesɔ Kirisi nii, ɔ sẽbiikati a shɔ sisɨn ãnɛyi shɔ gbeteyi ɔ̃ ɔ̃nɛ pũzɛyɛni kpai, a shɔgbeteyi gɨn nyakɔsinɛ gbete u ãyɛ ɓa. 7 Ɔkɔɔ awɔ yuu ɔ zɛ tɛttɔ fɛ̃ɛm ɔ gɨn jo vigbete u pɛliyɛkɔ. U si ɓa pũzɛ ɓa aɗagbete u a ɔkɔɔniyɛ. 8 U ji tɛ viwɔ jo a shɔwɔ naani au ji sho ɓani. Anɔgbete u si pɛli nam u pɛlivishonɛtɔ fɛ̃ɛm; u pɛlivishonɛ zɨmba a niti ni aru ukɔu ɔ̃ri kopiya nɛ vikpɛtɛ kpɛtɛni. 9 U pɛli vim ɓanɛ aru u nyaba gbete u kãu naapɔ̃sinɛ ɓa; u pɛlirɛ aru u ɔ̃kɛ vitasinɛ awɔ ɗɔbii ɔ gɨntɔ. 10 Aɗagbete u si doo a ɔkɔɔni, u gelɔɔtɔ nɛ, <<Shɔgbete kɛ pɛli vishonɛ ɓa shɔkɔ yaau nɛ u shaa virɛ.>>
11 U sha vim aruviya shɔ gãsiyi awɔ tetteni gbete i ɔ̃ ɔ̃nɛ pũzɛ i pɛli viwɔ ɓa see nya tosinɛ a shɔwɔyi vishonɛ. 12 A Uɓeyelapa Yesɔ Kirisi nii u ãsi shɔmiyi nyatɛ, au gɔ̃yi yusho i ɔ̃ ɔ̃nɛ tɔ̃vɨn ai pɛlivishonɛ fɛ̃ɛm aru i kpaa vigbeteyi shaayɛ.
13 Ama n shɔbiiyi ɔ̃tɛ kaka jazɨng akɔrɔ ɔkɔɔ yɔɔnɛ a vitɔ̃vɨng pɛlinɛni. 14 Wɔ ɓa shɔwɔyi aɗɔn i yɛ gɨn ruu gbete u dɔ̃sɔɔ a sẽkoomni ɓa. Kɛ ɔ̃nɛ aɗɔn, ɔ kɨnnɔɔ a biini, ɔkɔɔ ɓasiyunɛ ikɔ ni, nɔgbete i ɓooyusẽ kn. 15 Ama ɔkɔɔ pɛliyinɛ naa nɔpɔ̃yi; anɔgbete ɔ pɛli nam ɔ tɔ̃ritɔ naa mɛzɔ̃ ɔkɛ ɔ̃nɛ shɔ sisɨn ãnɛyi.
16 Mɛnɛ Uɓeyelapa au yuu, shɔgbete ukɔ ɔ̃rɛ ɗɔgbete shɔ kpaa ɔ̃nɛbiinyatɔ̃nɛ, u ãu ɔ̃nɛbiinyatɔ̃nɛ tɔ kopiɗaviya a ko-pi nyashɔpiya. Uɓeyelapa u ɔ̃ a ɔkɔɔni kpai.
17 N kɔn Bulus n bee nyageenɛm ang naa, shomkɔ nyaba gbete n pɔ̃naa a sẽkoom; shom nɔgbete n beeyɛkɔ.
18 Mɛnɛ Uɓeyelapa Yesɔ Kirisi tɔ̃vɨn shonɛ u ɔ̃ a ɔkɔɔni piti kpai.
/images/a/Tcg2NiV7ce24OT6kCIQGR)
/images/a/-h5KPk8ct3kLpCpYm9-g6)