Ɔ pɔ̃ vinaa a kolapa
19 << Ɔkɔɔ pɔ̃ ɔ vinaa nɛ a kotipi, ɗɔ gbete paayi a sasa yɛ lɛsi yɛ, a ɗɔgbete ɓɔyi yɛ ɓɔyɛ.>> 20 Ama ɔ pɔ̃ ɔ vinaa a kolapa, a ɗɔgbete paayi a sasa i yɛ lɛsi ɓayɛ, a ɗɔgbete ɓɔyi yɛ zɛno ɓɔnɛ ɓa. 21 Ɗɔgbete a vinaa ɗɔnyɛ, a sisɨn jo aɗɔwakɔ.
Yaa Lazɔrɔ kɔ Ɔ̃rɛ Bi
22 << Nɔɔ kɔ ɔ̃rɛ yaa lazɔrɔ a bi. A nɔɔ kɛ ɔ̃nɛ tɔ̃vɨn, a bi yɛ ɔ̃ jo sẽsẽ.>> 23 Ama a nɔɔ kɛ ɔ̃nɛ vɔrɔ, a bi kpai yɛ ɔ̃ ɓa wasak ni ɓa. Naa ɗɔ sẽsẽ gbete aa bi ɔ̃tɛ ɗɔ kɨnri, ɗɔ kɨnri yɛ ɔ̃kɛ bang.
Ɗalapa Gɨnnɛ ko Vinaa
24 <<Shɔzɛ gbete sii shɔɓa nya taa zitini ɓa. ko a pɛli shonɛ a gbete a yaa gbete a tipi, ko a nta gbete nya a yaa gbete nya a tipi. Shɔ ɓasi Ɗalapa gɨnnɛ ɓa a saani ɓa.