1 Yesɔ to yɛti latosi, a tɛɛ ɓooti da yɛkɛ koo gbete ba a ɗɔnni yɛ. 2 Shɔ n tiu shɔ bi vɔne au ɗɔ bi, roo a siri. Naa Yesɔ zɛ nɔgbeteyi ã sisɨn tɛ, a geli shɔ gbeteu bi vɔu nɛ,<<A pɔ̃ yuu kɔne ɓa, majaa; n sɔ̃raa ruuvini tɛ.>>

3 Kɛɗɔn shɔ mala gbeteyi mati shɔ laabeene nya ãsine i shakɛ ai noo nɛ, <<Jam risi Ɗalapa tɛ pɛtɛlɛ.>>

4 Yesɔ zɛ vigbete ai sisɨn tɛttɔ, a hɨyi nɛ, <<Aru ivi ɔ sha ruu kɔline awɔ sisɨn nankɔ viya? 5 Shɔpi ɔ̃rɛ pɛlaa a nya ni piyaː shɔ shanɛ,<n sɔ̃raa ruuvini tɛ,>wɔsɔ̃ng shɔ shanɛ, <Yulapa nɛ a yɛrɛ>? 6 N yɛn tasɔɔ tɔ, nɛ jashɔzɛ u nya nwane aɗɔn ni u sɔ̃ri shɔ ruuvini koo....>>Kɛɗɔn a geli shɔ bi vɔneu nɛ, <<Yulapa, a tuu siri a yɛ wɛrɛ.>> 7 A jau yulapa rɛ a yɛ wɛrɛ rɛ. 8 Shɔ gbeteyi toli nya a ɗɔu i nta seti tɔ; I bɛli Ɗalapa rɛ, shɔ gbeteu ã shɔ naa neu pɛli vibii-zaa nem nankɔ.

9 Yesɔ yulapa u ɗɔ yɛne, a zɛ jawɔɔ shɔ ɓau nii ne Matiyu u ɗɔ ɔ̃ne aɗɔ saa bɛne tɛnɛ.<<gɨnpɛ,>>Yesɔ geli Matiyu, a gɨn Yesɔ rɛ.

10 Aɗagbete Yesɔ ɗɔ vishaane shaanɛ a Matiyu wɛrɛ, shɔ gbeteyi tɛ saa bɛne waa-ne a<<shɔ ruuviniyi>>a Yesɔ jadɔyi arɛ i shaa vishaane awuni ɗɔzɔ. 11 Naa shɔ Farisiyayi zɛtɛ nankɔ, i hɨ Yesɔ jadɔyi nɛ, aru ivi ɔ shɔ mala shaa vishaane a shɔ saa bɛneyi ni ɗɔzɔ a <<shɔ ruuviniyi ni viya?>>

12 Naa Yesɔ nta tɛ a kasi nya nɛ, shɔ gbeteyi ji nta bi kɔne ɓa, i yɛ ɗɔ shɔ gãn pɛline ɓa, ama see shɔ gbeteyi vɔrɔ a bi ni. 13 Ama ɔ yɛnɛ ɔ gbãli jaa gɔɔ kɛjo ɔ yɛtiː <<N kasi ɔ ɔ̃ shɔ raa ntanɛ, ɓa vivaa ãne aru yuu ãne ɓa. N jo a ɓa shɔ tɔ̃vɨnyi ɗɔ bi ne kɔsi sisɨn ɓa, ama n a ɗɔ shɔ ruuviniyi bi i kɔsi sisɨn tɔ.>>

14 Kɛɗɔn Yɔhana shɔ gbete pɛli Batizima jadɔyi i a Yesɔ ɗɔ bi a hɨunɛ,<<Aru ivi u a Farisiyayi u ɗɔ nya mane, ama a jado i ma- nya ɓɛjo ɓa aru iviya?>>

15 Yesɔ kasinya rɛ ne,<<A wɔ zɛne shɔ sotɛnɛ ɓɛsayi sisɨn hɨm kati a ɗagbete shɔ sotɛnɛu doo nyazɔ a ikɔni ya? Pɛliɓaǃ Ama dii kane gbete shɔ sotɛnɛ yɛ yayi ɗɔ bi tɔ; Kɛɗɔn iyɛyi ma nya kati.

16 <<Shɔ rɛɛ visi bi gbaali ɓa a nya fãrã sɔɔni ɓa, aru gbete yɛ li visi bi tɔ, u ntali kɛ bang. 17 shɔ tɛ̃ɛ̃ saa ɓa a yɛti vi gbãli gbete shɔ pɛli a koo ni ɓa. shɔ kɛ pɛline, ko piya yɛ ntaatɔ, saa u tɛ̃ɛ̃ a tipi, koou ma yɛ lɛsi tɔ. shɔ pɛli naa shom, saa gbete doo sɔɔ shɔ tɛ̃ɛ̃ a koo sɔɔ, a nankɔ piti ziti kpai yɛ lɛsi ɓa.>>

18 Yesɔ u gbete geli yɛ nankɔ, shɔ yuu pẽni Yahudayi arɛ a sɔ̃si au ɗekɨn a geliu ne,<<Ma jasoro vɔ dootɔ dɔdɔrim kɔ. Ama ane a pɔ̃naa pɛ au bi, yɛ yuu tɔ.>> 19 Yesɔ yulapa rɛ a gɨu rɛ, u jadɔyi gɨu sɔ̃njo a dɔɔni.

20 Kɛɗɔn suu wɔɔ gbete u kpaa a ɗɔɔ tɛ̃ne saa kopi tu ziti bãlirɛ a ka kɨnti a ɗii Yesɔ nya fãrã. 21 Suu sha au yɛti nɛ, <<nkɛ dii naa nɛ au fãrã kɔ sheeli n yɛn gati tɔ.>>

22 Yesɔ rii noo rɛ a zɛurɛ.<< mɔkɔ pɔ̃ yuu kɔnɛ nɛ, n jasoro,>> Yesɔ sharɛ,<<a sisɨn ãne gataa tɛ.>> Suu gati rɛ tɛ̃ɛ̃t a ɗawukɔ.

23 Naa Yesɔ to yupɛ̃ni Yahudayi wɛrɛ tɛ, a zɛ shɔ vi geneyi moo waanɛ shɔ ɗɔ nya marine, 24 a shanɛ, <<ɔ yɛ kawaa. Jasuu ji vɔɔ ɓa tɔɓa ama u a noro.>> Ama i latiwu tɔ. 25 Tɛ̃ɛ̃ti naa Yesɔ shɛshi shɔ ɓili tɛ, Yesɔ torɛ a sã jasuu naa rɛ, jasuu yulapa rɛ. 26 Rum raa ɗɔ piti kpai.

27 Yesɔ yulapa rɛ u ɗɔɔ rakki nɛ a nyaba, shɔ noo gbãtiyi ziti i gɨu rɛ a knti, i ɗɔɔ nya ɓane, <<ntawu raa jɔ, Dauda ɓɛjaa.>>

28 Naa Yesɔ to yɛti wɛrɛ wɔɔ tɛ, shɔ noo gbãtiyi ziti i au ɗɔ bi, a hɨyinɛ, ɔ ã sisɨn tɛttɔ nɛn yɛn zɛnoo dɔɔtɔ ya?

<<Nn Uɓeyelapa,>> i risi nyarɛ.

29 Kɛɗɔn Yesɔ dii naa rɛ ai bi a shanɛ, <<u ɔ̃pɛ nagbete ɔ ã sisɨn kɔ>>; 30 Ai noo ɓeli rɛ. Yesɔ gɔ̃yi yuusho nɛ, <<ɔkɔ geli shɔ wɔne.>> 31 Ama i yɛrɛ i sãnti ruu kpai a koou ni.

32 Naa Yesɔ au jadɔyi sã nyaba yɛne tɛ, shɔ n tiu jawɔɔ gbete suru kɔline au bi ni nwanya ɓa. 33 Tɛ̃ɛ̃ti naa suru kɔline shɛ tɛ, jaa gbete nwanya ɓawu nwanya rɛ. moo gbeteyi ɗɔwu pɛlikɛ vibii zaane ai shanɛ,<<ujo zɛ vi nam jo shãa a Isrela ni ɓa.>>

34 Ama shɔ Farisiyayi shane, <<Suru kɔline i yupɛ̃ni kɔ ã Yesɔ kaka rɛ u shɛshi suru kɔline rɛ a shɔ bi ni.>>

35 Yesɔ rakki koomoo pẽniɓa a pẽtẽrẽ ni piti kpai, u ɗɔ shɔ vi matine a jaa Ɗa, u gbeteu waa nya aru vi tɔ̃vɨn gbete n ti shɔ Ɗalapa wɛrɛ yɛ a shɔ vɔrɔ gatinɛ a bi kɔpi shɔpiya. 36 Naa Yesɔ zɛ moo tɛ waa-ne, a ntayi raa rɛ, aru gbete si ɔ̃ri shɔyi tɛ yuu kɔne shɔ naa pɔ̃ne ɓa, naa mɛrɛ̃ɛ̃ gbeteu shɔ ganɛ ɓa. 37 Kɛɗɔn a geliu jadɔyi nɛ,<<shɔ vi yeene a jaa waa-ne ama shɔ vi shoneyi pẽtẽrẽ. 38 Arumkɔ, ɔ gaki Uɓeyelap shɔ visha yeene, u dɔ̃ shɔgbete i yɛ yeruu vi jaa yɛ.>>