13 Angu Kiristu keghola? Angu Pauli tsakawambighwa mna msalaba kwaajili yako? Angu tsambatisighwa mughwe wanang’ina wa Pauli?

14 Mighede Imulungu kwaapfila simbatitse imunu wowose bae ila Kirispo na Gayo waliheka. 15 Apfo imunu wowose aleke kulonga ka mwemwe mbatisighwa muwe wanang’ina wangu. 16 Nikumbuka, pfipfila tsanimbatisa Stefana na iwanu iwali mng’anda mwake, kuya imane ka nimbatisa imunu yungi. 17 Kwaapfila Kiristu ng’anitumile bae kubatitsa, ila kuwapetela iwanu Imbuli Inoghile, na si kwa mbuli tsa kuwanogheletsa iwanu, ili lifwa lye Kiristu mna msalaba lileke kwoneka si chinu bae.