1 Imunu ang’esonga ne myaghe, ikuwatse yamghale hane libaratsa lye iwanu ing’awammanyile Imulungu? Ng’ambe kobamighwa yamghale kwe iwanu we Imulungu. 2 Angu, ng’ammanyile bae ka iwanu we Imulungu watsoihigha iisi? Ka mwemwe mtsoihigha iisi, ule ng’amdaha bae kuigha maghomba ghano madomado? 3 Apfi ng’ammanyile bae ka mwemwe mtsowahigha malaika, pfii lelo mne ghamaghomba ighali muisi? 4 Hampata lighomba, apfi mwowakema iwanu ing’awolitoghola kingili lye iwanu we Imulungu wamuhigheni? 5 Nolonga apfi kuwaghumani mwemwe chinyala. Apfi kuduhu imunu mghati mwenu yane nzewele ye kuhigha lighomba lye wakiristu wayaghe?