4 Lekeni Imtwatsa Imulungu kaghala libeho kulu mne ibahali, inyahemu tsa ng’ulu ng’ani mbaka imeli tsaibama kubeneka. 5 Iwanu yawang’ali wosang’ana mne imeli tsawapfuka ng’ani, chila yumwe kamlilila imulungu wake yamwapfile. Baho wayasa imitsigho mne ibahari ili imeli iwe mbewe na ileke kutsama. Lekeni Yona tsakahulumka kune ichumba cha kuisi che imeli na kuko kawasa fofofo.
7 Kuya, iwanu iwosang’ana mne imeli welongela, "Mtse twase tsisimbi tulole nani yatendile mbaka twoghaya pfino." Tsawatenda apfo, ne tsisimbi tsilamla Yona iyo iyatendile apfo.
9 Yona kawedika, "Nene na Mueburaniya, nomtambikila Imtwatsa Imulungu, Imulungu wa kulanga, yalumbile isi ne ibahali."
12 Yona kawedika, "Mnyase mne ibahali, ne ibahali itsenyamala. Mana nene iye yanitendile mbaka inyahemu ino ilawile."
15 Baho wamsola Yona wamwasa mne ibahali, na bahala ibahali itikuke inyamala tulu. 16 Alino liwatenda iwanu iwosang’ana mne imeli wampfuke ng’ani Imtwatsa Imulungu, wamlapfila inambiko na welaghana kumsang’anila Imulungu.