18 Iwanu wangi wapfika, wamduta machela mne lutsatsi imunu yaholole, wabama wamghale mng’anda, hambele ha Yesu. 19 Lekeni ng’awadahile bae, kwaapfila tsahana iwanu wengi sideke. Apfo wamghala, wamwika mchiswili, wafumla kuya wahulumsa machela mbaka haghatighati he iwanu awo, hayali Yesu. 20 Yesu honile ukutoghola kwawo, kamlongela imunu yaholole, "Sale yangu, nzambi tsako tsileghusighwa."
21 Iwolangulitsa Ghamalaghitso na Mafarisayo wandusa kwighutsa, "Ayuno imunu wachi iyomligha Imulungu? Yuhi iyodaha kuleghusa nzambi? Angu si Imulungu yaliyeka iyodaha kuleghusa nzambi!" 22 Yesu kamanya chawang’ali wakwalangula, kawaghutsa, "Mkwalangula choni mne imimoyo yenu? 23 Chihi chibewe; kulonga ‘Nzambi tsako tsileghusighwa’ au kulonga ‘Winuke ughende?’ 24 Nobama mmanye, Imwana we Imunu kana uwetso wa kuleghusa nzambi mne iisi." Apfo kamlongela imunu yaholole, "Nokulongela, winuke usole chilagho chako uye ukaye!" 25 Bahala imunu ayo kenuka hambele hawo, kasola chilagho chake. Koka ukaye yake aku komtunya Imulungu.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)