निर्गमन 12

पहिलो फसह को त्यौहार

21 तब मूसा न इस्राएलियों को सब बुजूर्गों ख बुलाय क कह्यो, "तुम अपनो अपनो परिवार को अनुसार एक एक मेम्ना अलग कर रखो, अऊर फसह त्यौहार पशु बलि करजो। 22 अऊर ओको खून जो कोहपर म होयेंन ओको म जूफा नाम की झाड़ी सी बन्यो एक गुच्छा डुबाय क उच कोहपर म को खून सी दरवाजा को चौखट पर दोयी बाजुवों पर लगावो; अऊर सबेरे होनो तक तुम म सी कोयी भी घर सी बाहेर नहीं निकले। 23 ✝12:23 इब्रानियों ११:२८; यहेजकेल ९:६जब परमेश्वर मिस्रियों ख मारन लायी मिस्र देश सी होय क जायेंन; येकोलायी जित जित ऊ चौखट को ऊपर अऊर दोयी बाजू ऊ खून देखेंन, ऊ दरवाजा ख छोड़ देयेंन, अऊर नाश करन वालो ख तुम्हरो घरों म मारन लायी नहीं जान देयेंन।