उत्पत्ति 45

यूसुफ को खुद ख प्रगट करनो

1 ✝ 45:1 प्रेरितों 7:13 तब यूसुफ उन सब को आगु जो ओको जवर जवर खड़ो होतो, अपनो ख अऊर रोख नहीं सक्यो; अऊर पुकार क कह्यो, "मोरो जवर जवर सी सब लोगों ख बाहेर क देवो।" भाऊवों को आगु अपनो ख प्रगट करन को समय यूसुफ को संग अऊर कोयी नहीं रह्यो। 2 तब ऊ ऊची आवाज सी रोवन लग्यो; अऊर मिस्रियों न सुन्यो, अऊर फिरौन को घर को लोगों ख भी येको समाचार मिल्यो। 3 तब यूसुफ अपनो भाऊवों सी कहन लग्यो, "मय यूसुफ आय, का मोरो बाप अभी तक जीन्दो हय?" येको उत्तर ओको भाऊ नहीं दे सक्यो; कहालीकि हि ओको आगु घबराय गयो होतो।