Mateus 16

Ulu’u wa Mafalisayo na Masadukayo

5 Banamasi' bake pabaalokile liyi' lyenebi’li' lya litanda liku’lu', ngabaku’mbu’kya panga balibalile pu’twa makati. 6 Yesu ngaabakia, "Mutame minyo na mwili’ndi’le na ulu’u wa Mafalisayo na Masadukayo!" 7 Lakini banamasi' bake ngabalaluyana bene na bene kababaya, "Abaya nyo kwa mwanjaa tupu’twili makati." 8 Yesu aatangite mwabaganiyage ngaabakia, "Mwenga mwabandu mwabene imani njene! Mboni mulongelya abali yo kotoka baa na makati? 9 Buli, munatangali wala ku’mbu’kya palu' bandu elupu tano pabayukwite makati matano? Mwaatwi’liye itu’ndu' ili’nga ya makombo? 10 Au galu' makati saba gabaabaganilwe bandu elupu nsese, buli mwakongwi itu’ndu' ili’nga ya makombo? 11 Mboni mutangali panga nilongelyageli bu’kana na makati? Mwili’ndi’le na ulu’u wa Mafalisayo na Masadukayo!" 12 Apo banamasi' ngabakwipwa panga aabakiye baili’ndi’le, kwenda kwa ulu’u wa makati li, ila kwa mayi’gano ga Mafalisayo na Masadukayo.