1 Aleluya!

Beno bisyelo ya Yave, beno kembila yandi,

beno kembila Nkumbu ya Yave!

2 Bika ti ba kutonda Nkumbu ya Yave,

kubanda ntangu yayi tii bantangu nyonso!

3 Kubanda na esete tii na wesete,

bika ti Nkumbu ya Yave kukemboswa.

4 Yave ke na zulu ya bayinsi nyonso,

nkembo ya yandi me lutila kuzangama na mazulu.

5 Nani yina kele mutindu Yave, Nzambi ya beto?

Yandi ke ya kuvwanda na kisika ya kulutila kuzangama.

6 Yandi ke betamaka samu na kutala,

mazulu na ntoto.

7 Yandi ke telemisaka muntu ya mpamba na kati ya fundu-fundu,

yandi ke basisaka mputu na kati ya mboloso,

8 samu na kuvwandisa yandi na bantu ya mfunu,

bantu ya mfunu ya yinsi ya yandi.

9 Yave ke salaka ti kisita kuvwanda na yinzo ya makwela,

mutindu kento ya nsayi na kati-kati ya bana ya yandi.

Aleluya!