Mikunga 125

Yave ke kebaka bantu ya yandi

1 Mukunga ya kuyuluka.

Bayina ke tulaka kivuuvu ya bawu na Yave,

bawu kele mutindu mongo ya Siyone,

mongo yina ke ninganaka ve, mongo ya bantangu nyonso.

2 Mutindu Yelusalemi kele ya kuzungama na myongo,

Yave mpe ke zungidilaka bantu ya yandi,

kubanda ntangu yayi mpe bantangu nyonso.

3 Luyalu ya bantu ya yimbi ke zingila ve,

na yinsi ya bantu ya kudedama,

samu ti bantu ya kudedama, kukota ve na mavanga ya yimbi.

4 Yave, lakisa bumbote ya nge na bantu ya mbote,

lakisa yawu, na bantu ya bantima ya kusungama!

5 Kasi bayina ke balukaka na kulanda banzila ya kutengama,

bika ti Yave kubingisa bawu,

kintwadi na bantu ya yimbi!

Bika ti kizunu kuvwanda na Isayeli!