1 Mukunga ya kuyuluka.

Na kati ya mpasi ya kulutila, mu ke na kubokila nge, Yave!

2 Yave, kuwa ndinga ya munu!

Teka makutu na kuwa,

kubondila yina mu ke na kubondila nge!

3 Yave, kana nge ke bambukaka moyo na masumu ya beto,

Yave, nani zolaka zinga dyaka?

4 Kasi ni nge ke lemvokilaka,

samu ti bantu kuzitisa nge.

5 Mu me tula kivuvu ya munu na Yave.

Ya tsyelika mu me tula kivuvu,

mu me tula ntima ya munu na mambu ya yandi.

6 Mu me tula kivuvu ya munu na Yave,

kulutila nkebi ke vingilaka suka kukuma,

ya tsyelika, kulutila nkebi ke vingilaka suka kukuma.

7 Isayeli, tula kivuvu ya nge na Yave,

samu ti yandi kele mbote,

yandi kele na mutindu mingi ya kukuula bantu.

8 Ni yandi ke kuula Isayeli,

na yimbi ya yandi nyonso.