Mikunga 27

Lukengolo ya munu kele na Yave

1 Mukunga ya Davidi.

Yave kele Nsemo mpe Muvuukisi ya munu,

mu ke vwanda na boma ya nani?

Yave kele Kiswamunu ya munu,

mu ke vwanda na boma ya nani?

2 Ntangu bantu ya yimbi ke kwiza na kudya musuni ya munu,

ni bawu, bayina ke nyokolaka munu,

bambeni ya munu ke bula mabaku mpe ke kubwa.

3 Kana nkonga ya binwani kwiza nwanisa munu,

mu ke vwanda ve na boma.

Kana mvita kusalama na munu,

mu ke kangama na kivuvu.