Yave yina yidikaka yinza kele na beto
1 Mukunga ya bana ya Kole yina ba yimbilaka na lutwadusu ya mfumu ya miyimbidi. Ba yimbilaka yawu na nsambi yina ke pesaka ndinga ya fyoti.
2 Nzambi kele kiswamunu mpe kiyekamanu ya beto,
yandi ke kondwaka ve na kusadisa beto na kati ya bampasi.
3 Ni yawu yina, beto kele ve na boma ata ti ntoto kuningana,
ata ti myongo kubwa na kati-kati ya mubu,
6 Nzambi ke na kati-kati ya mbanza yina,
mbanza yango ke kubwa ve.
Nzambi ke sadisaka mbanza kubanda ntangu bwisi ke kutsyaka.
10 Yandi ke sukisaka bamvita tii na bandilu ya ntoto.
Yandi ke zengaka munani,
yandi ke bukaka dyonga.
Yandi ke yokaka bapusu-pusu ya mvita.