Salmos 66

Nzitusu na Nzambi yina ke kuulaka

1 Mukunga yina ba twadisaka na mfumu ya miyimbidi. Mukunga.

Beto sala milolo ya nsayi na Nzambi,

beno bantu nyonso ya ntoto!

2 Beno yimbila nkembo ya Nkumbu ya yandi,

Beno zitisa yandi na mikunga ya nkembo.

3 Beno tuba na Nzambi:

«Mambu yina nge ke salaka kele ya nsisi!

Samu na bunene ya ngolo ya nge, bambeni ya nge ke na kubondila nge.»

4 Bantu nyonso ya ntoto ke fukamaka na mantwala ya nge, bawu ke yimbidilaka nge.

Bantu nyonso ke yimbidilaka Nkumbu ya nge.