1 Den no, natmayge liwo lēm̄ yon̄.

Hiy yolqōvēn* a Ḡod mal etyak, tiwag mi ige yantēntēn a no natam hēywē kēy, wa et ino ēwē te, ba ige del se mey a nēglal nēhēyhēywē. 2 Kemem natam kimi veg nēhēyhēywē a nitog hay mi gēn en, wa totog lap hay mi gēn vaga.

3 Nasgōp, namgaysēn, wa natm̄at totog tiwag mi gēn, den Ḡod Imam wa den Tigsas Kraēs a Ēntēn Imam en, tiwag mi nēhēyhēywē wa natamtam.

4 No metsas yatkelgi den ige yantēnti. Tō no nemlaklak a nēkēkēn veg kēy vanvan lēhēyhēywē qele Imam mōlvayēg tō gēn aē.

5 Sōwlē, nok vēhge nēk, yolqōvēn, so gēn so vēy tamtam gēn. Nok et yap te van nele gayaq vitwag, ba nele tam̄ag, a gēn melep tō beqtēqtēg yon̄yon̄teg Noyoy Ēwē. 6 Tō natamtam nan qelegēn, gēn so dam tatag nele non Imam. Megōh nele a kimi moyon̄teg den naqtēqtēg en, tō kimi so van tatag nele nan.

7 Veg woqse et galgal mal van walēg namyam. Kēy et vasemlō te so Tigsas Kraēs mavan me net. Net qelenen en, kē nigalgal wa kē natvale mi Kraēs. 8 Nahap a kimi memgumgu veg tō tiple qelen̄. !Ba etgoy kimi, tō so kimi telep qēt nayseyse del! 9 Ihēte a nivan yeh, wa et tog te hay lavatvatne non Kraēs en, kē et tiwag te mi Ḡod. Net a notog hay lavatvatne non Kraēs en, kē tiwag mi Imam wa Ēntēn. 10 So net vitwag wo nivan me hiy kimi, ba kē et lep te navatvatne mey nēwē gōh, nitog leplep kē me lēm̄, si so lep vasgēt kē. 11 Veg net a nilep vasgēt kē en, kē nemyin̄ namgumgu het namun.

12 Woqse hohole namuk lapgetō, so hole van hiy kimi, ba nok et buste so yap how mi nēqēt yapyap wa noyobem. No tiqyo van how tō hole togolgol tiwag mi kimi, ak tō so namlaklak niōy lōlōwyeg gēn.

13 Ige yantēntēn ithi* a Ḡod metyak tō kē en, kēy vēwē nēk.