4 Ba Ḡod, Ivaēh nongēn, mavasemlō natamtam wa nēmētwōn togolgol me en, 5 tō kē mavaēh gēn. Kē mavaēh gēn en, et veg te bemgumgu tenenen nongēn, ba veg bemgaysēn nonon hiy gēn. Kē mavaēh gēn heylō Nuvu Yon̄ a moh wenwen gēn, mak gayaq gēn, wa melep me hiy gēn namtevungēn mey negyaq. 6 Nuvu Yon̄ en, Ḡod mōlōwyeg galsi kē me hiy gēn heylō Tigsas Kraēs, Ivaēh nongēn. 7 Bastō Ḡod mōm̄ōk togolgol gēn lengon mi nasgōp nonon tō so Ḡod nisolyak gēn. Ak tō, gēn qultiwag mi ige a nēdēmdēyē bēh lap.