दानिय्येल 12

अंत को बखत

1 उही बखत महान स्वर्ग दूत मीकाएल नाम को बड़ो प्रधान जे तोरो भई लोग हुन पक्छ करन को लाने खड़ो रहवा है ऊ उठेगो। तब असो मुसीबत को बखत होएगो, जसो कोई रास्ट को पैदा होवन को बखत से ले ख अब लक कभी नी हुओ, नी होएगो; पर ऊ बखत तोरो इंसान हुन म से जितना हुन को नाम परमेस्वर को किताब म लिख्यो हुयो है, ऊ बच निकलेगो।✝12:1 मत्ती 24:21; मरकुस 13:19; प्रका 7:14; 12:7 2 जे जमीन *12:2 जमीन धुल की जमीन मको नीचे सोयो रहेगो उन म से ढेर सारो इंसान जिन्दो होयगो, कित्ता ते सदा को जीवन को लाने, अऊर कित्तो अपनो नामधराई अऊर सदा लक बेजा घिनोना ठैहरन को लाने।✝12:2 यसायाह 26:19; मत्ती 25:46; यूहन्ना 5:29 3 तब दिमाक वालो अगुवा हुन को चमक आकास मंडल की जसी होएगी, अऊर जे बेजा सारो ख धरमी बनावा है, ऊ हमेसा तारा हुन को जसो चमकते रयेगो।✝12:3 मत्ती 13:43; 1 कुरिन्थियो 15:41 4 पर अरे दानिय्येल, तू यू किताब प मुहर कर ख इन वचन हुन ख अंत बखत लक को लाने बंद रख✝12:4 प्रका 22:10 ढेर सारा झन से इंसान से पूछ-पाछ अऊर ढूंढ़-ढांढ़ करेगो, अऊर यू ग्यान बढ़ भी जाएगो। 5 यू सब सुन, मी दानिय्येल न नजर कर ख का देखो कि अऊर दो अदमी खड़ो है, एक ते नद्दी को यू किनारा प, अऊर दुसरो नद्दी को ऊ किनारा प है। 6 तब जे अदमी सन को कपड़ा पहिनियो हुयो नद्दी को पानी को ऊपर म एक दूत हतो, ओ से ऊ अदमी हुन म से एक न पुछयो, "यू आस्चर्य करम हुन को अंत कब लक होएगो? 7 तब जे अदमी सन को कपड़ा पहिनियो हुयो नद्दी को पानी को ऊपर हतो, ओ न मोरो सुना दाहिनो अऊर बाँया, अपनो दोई हात स्वर्ग को तरफ उठ ख, सदा जिन्दो रहनवालो को कसम खा कर कहयो, यू दसा साढ़े तीन साल लक ही रहेगी; जब परमेस्वर के लोगो को सताव का अंत होयगो, तब यू सब बात हुन पूरी होए।✝12:7 प्रका 10:5; 12:14 8 यू बात मी सुनतो ते हतो पर कुछ नी समझो। तब मी न कहयो, अरे मोरो प्रभु, या बात हुन कब पूरी होएगो? 9 ओ न कहयो, अरे दानिय्येल, चलो जा; काहेकि यू बात हुन आखरी बखत को लाने बंद है अऊर इन प मुहर लगाई हुई है। 10 ढेर सारो इंसान से ते अपनो अपनो ख निर्मल अऊर उजला करेगो, अऊर सुध्द हो जाएगो; पर दुस्ट इंसान बुरई ही करते रहेगो; अऊर दुस्ट हुन म से कोई यू बात हुन नी समझेगो; पर जे दिमाक वालो है ऊ ही समझेगो।✝12:10 प्रका 22:11 11 जे हर रोज सुध्द मन्दिर म अगनी बली चढ़ानो बन्द कर दियो जाएगो अऊर घृनित चिज वहा स्थापित करी जाएगी ऊ दिन को विनास को वजे से होगी ऊ दिन से बारा सव नब्बे दिन बितेगो।✝12:11 दानिय्येल 9:27; 11:31; मत्ती 24:15; मरकुस 13:14 12 का ही धन्य है ऊ, जे धीरज धर ख तेरह सव पैतीस दिन को अंत लक भी पहुँचे। 13 अऊर हे दानिय्येल अब तू जा ख अंत लक ठैरा रह; अऊर तू आराम करतो रहेगो; अऊर ऊ दिन हुन को अंत म तू अपनो खुद को हिस्सा प खड़ो होएगो।"