1 मादी छयर्स को पोरिया दारा, जे बेबीलोन को देस प राजा ठहरायो गयो हतो, 2 ओको राज्य को पहलो साल म, मी दानिय्येल न सास्त्र को दुवारा समझ लियो कि यरूसलेम को उजडी वाली दसा यहोवा को यू वचन को हिसाब से जे यिर्मयाह नबी को जोने पहुँचियो हतो, कुछ साल हुन को बीतन प यनेकि सत्तर साल का बाद पूरो हो जाएगो। 3 तब मी अपनो मुँह प्रभु परमेस्वर को तरफ कर ख गिड़गिड़ाहट को संग प्रार्थना करन लगियो, अऊर उपास कर, टाट पहिन, राख म बैठ ख विनती करन लगियो। 4 मी न अपनो परमेस्वर यहोवा से यू तरीका प्रार्थना करी अऊर पाप को अंगीकार कियो, अरे प्रभु, तू महान अऊर भययोग्य परमेस्वर है, जे अपनो प्रेम रखन अऊर आग्या माननवालो को संग अपनो वादा पूरो करह अऊर किरपा करा रहा है, 5 हम इंसान हुन न ते पाप, बुरई अऊर बुरो काम अऊर झगड़ा कियो है, अऊर तोरो आग्या हुन अऊर नेम हुन ख तोड़ दियो है। 6 तोरो जे सेवक नबी इंसान, हमरो राजा हुन, सासक हुन, पूर्वज हुन अऊर सब धरती को इंसान हुन से तोरो नाम से बात हुन करत हतो, उन की हम न नी सुनी। 7 अरे प्रभु, तू न्यायी है, पर मी इंसान हुन ख आज को दिन सरमिंदो होवन पड़ा है, यनेकि यरूसलेम म निवास करनवाला सब यहूदी हुन ख, का नजिक, का दूर को सब इस्राएली इंसान हुन ख, जिन ख तू न ऊ भरोसा तोड़न को वजे से जे उन न तोरो संग कियो हतो, देस देस म तितर-बितर कर दियो है, ऊ सभी ख सरमिंदो होवन पड़ा है। 8 अरे यहोवा, हम इंसान हुन न अपनो राजा हुन, सासक हुन अऊर पूर्वज हुन समेत तोरो खिलाप म बिना कोई सरम पुरवक व्यवहार अऊर पाप कियो है, 9 पर यनेकि हम अपनो परमेस्वर प्रभु से फिर गयो, तेभी तू दया को सागर अऊर माफी देन वालो है। 10 हम ते अपनो परमेस्वर यहोवा को नेम भी ओ प नी चला जे ओ न अपनो सेवक नबी हुन से हम ख सुनायी। 11 बल्कि सब इस्राएली हुन न तोरो नेम को उल्लंघन कियो, अऊर असा हट गया कि तोरो नी सुनी। यू वजे से जे साप को चर्चा परमेस्वर को सेवक मूसा को नेम म लिख्यो भयी है, ऊ साप हम प घट गयो, काहेकि हम न ओको विरोध पाप कियो है। 12 तुम न हमरो ऊपर बडी विपत्ति सासक को विरुध्द कयो गयो वचन पुरो करियो है। अऊर पुरी धरती प असी विपत्ति कही नी पड़ी, जसी विपत्ति यरूसलेम प पडी। 13 जसो मूसा को नेम म लिख्यो है, वैसे ही यू सारो आफत हम प आ पड़ो है, तेभी हम अपनो परमेस्वर यहोवा ख मनान को लाने नी ते अपनो अधरम को काम हुन से फिरे, अऊर नी तोरी सत्य बात हुन प ध्यान दियो। 14 यू वजे से यहोवा न सोच विचार ख हम प आफत डाली है; काहेकि हमरो परमेस्वर यहोवा जितना काम करा है ऊ सभी म धरमी ठैरा है; पर हम न ओकी नी सुनी। 15 अब, अरे हमरो परमेस्वर, अरे प्रभु, तू न अपनो जनता ख मिस्र देस से, बडी सामर्थ को दुवारा निकाल लायो अऊर अपनो असो बड़ो नाम कियो, जे आज लक तोरी सामर्थ बनी है, पर हम न पाप किरयो है अऊर गलत काम करियो है। 16 अरे प्रभु, हमरो पाप हुन अऊर हमरो पुरखा हुन को अधरम को काम हुन को वजे से यरूसलेम को अऊर तोरी जनता को, हमरो आजु बाजु को सब इंसान हुन को ओर से नाम धराई हो रयो है; तेभी तू अपनो सब धरम को काम हुन को वजे से अपनो घुस्सा अऊर जलजलाहट अपनो सहर यरूसलेम प से उतार दे, जे तोरो सुध्द पहाड प बसो है। 17 एकोलाने: अब अरे हमारे परमेस्वर, अपनो सेवक कि प्रार्थना अऊर गिड़गडाहट ख सुन। हे प्रभु, अपनो उजडो वालो सुध्द मन्दिर ख फिर से स्थापित कर ताकि सब झन जान सके कि तू ही परमेस्वर आय। 18 अरे मोरो परमेस्वर, कान लगा ख सुन, आँखी खोल ख हमरी उजडी हुयी दसा अऊर ऊ सहर ख भी देख जे तोरी कहलावा है; काहेकि हम जे तोरो गिड़गिड़ा ख प्रार्थना करा है, ऊ अपनो धरम को काम हुन प नी, लेकिन तोरी बडी दया को वजे से ही काम हुन प विनती ख करा है। 19 अरे प्रभु, सुन ला; अरे प्रभु, पाप छमा कर; अरे प्रभु, ध्यान दे ख जे करनो है ओ ख कर, विलम्ब नी कर; सब झन जाने की तू परमेस्वर है, यू सहर अऊर यू जनता तोरी ही आय।

20 यू तरीका मी प्रार्थना करतो, अऊर अपनो अऊर अपनो इस्राएली व्यक्ति हुन को पाप को अंगीकार करतो हुयो, अपनो परमेस्वर यहोवा को जोने ओको सुध्द मंदिर को लाने गिड़गिड़ा ख बिनती करतो ही हतो, 21 जब मी प्रर्थना कर रयो थो जिब्राएल नाम को व्यक्ति जे ख मी न सपना म दर्सन म देखो रा ऊ तेजी से उडते हुए साम ख बलि करते समय मोरो जोने आयो।✝ 22 ओ न मोसे कहयो, "अरे दानिय्येल, तो ख मी बुद्धि अऊर भविस्यवानी की बाते की समझ देवन को लाने आयो है।" 23 जब तू न परमेस्वर से गिड़गिड़ा ख बिनती करनू सुरु कियो, तब ओ न जवाब दियो ऊ तुम से प्यार करह है, ऐकोलाने मी जवाब देवन को लाने आयो, अब जब मी दर्सन को मतलब बताऊँ है अब पुरो ध्यान देय। 24 "परमेस्वर न तुमरा इंसान हुन अऊर तुमरो सहर ख पाप अऊर बुरई से छुडावन को लाने सात गुना सत्तर साल को बखत निस्चय करियो है पाप ख छमा करियो जाएगो, अऊर सदा काल को न्याय स्थापित होयगो, तेकी दर्सन अऊर भविस्यवानी सच होय जाय, अऊर सुध्द मंदिर ख फिर से समर्पित कियो जाएगो। 25 एकोलाने यू जान अऊर समझ ला, कि यरूसलेम ख फिर बसावन को आग्या को निकलन से ले ख चुनो हुओ।* प्रधान को बखत लक सात गुना सत्तर साल बीतेगो। फिर वी सात गुना बासठ साल को बीतन प चऊक अऊर खाई समेत ऊ सहर कस्ट को बखत म फिर बसायो जाएगो। 26 उन सात गुना बासठ साल हुन को बीत प चुनो हुओ अदमी मारयो जाएगो अऊर ओको हात कुछ नी लगेगो; अऊर आनवालो प्रधान को जनता सहर अऊर सुध्द जगा ख नस्ट ते करेगी। पर ऊ प्रधान को अंत असो होगो जसो बाढ़ से होवा है; तेभी ओको अंत लक लड़ई होती रहेगी; काहेकि ओ को उजड़ जानो निस्चय ठान लियो गयो है। 27 ऊ प्रधान सात साल को लाने तुमरो संग पक्को वादा बाँधूँगो, पर आधो ही बखत को बीतन प मेलबलि अऊर अनाज की बलि ख बंद करेगो; अऊर मंदिर म ऊँची जगह म घृनित चिज हुन बनी रहेगी जब लक की ऊ जब लक ओ ख रखन वालो ऊ अंत ख नी देख ले जे परमेस्वर न ओको लाने तैयार कियो है।"✝