1 बेलसस्सर राजा को राज्य को तीसरो साल म, मी दानिय्येल, पहलो दर्सन को बाद एक अऊर दर्सन देखियो। 2 जब मी एलाम नाम को परदेस म, सूसन नाम को सहर म रहत रा, तब मी न दर्सन म देख्यो कि मी ऊलै नद्दी को किनार प खड़ो हूँ। 3 फिर मी न आँख उठा ख देख्यो, कि वा नद्दी को सामे दो सींगवाला एक मेढ़ा खड़ो है, ओको दोई सींग बडा है, पर, उन म से एक जादा बड़ो है, अऊर जो बड़ो है, ऊ दुसरो को बाद निकल्यो। 4 मी न ऊ मेढ़ा ख देखा कि ऊ पस्चिम, उत्तर अऊर दक्छिन को तरफ सींग मारा है, अऊर कोई ढोर ओको आगु खड़ो नी रह सका, अऊर नी ओको हात से कोई कोई ख बचा सका है; अऊर ऊ अपनो ही मर्जी को हिसाब से काम कर ख बढ़तो जावत रह। 5 मी सोच ही रयो हतो कि ते फिर का देखा कि एक बकरा पस्चिम दिसा से निकल ख सारो धरती को ऊपर असो फिरयो कि चलतो बखत जमीन प पाँय नी छुयो अऊर ऊ बकरा हुन को आँखी हुन को बीच एक देखन लायक सींग हतो। 6 उते ऊ दो सींगवालो मेढ़ा हुन को जोने जा ख, जेका मी न नद्दी को सामे खड़ो देखो रा, ओ प जल ख अपनी पूरी तागत से लपको। 7 मी न देख्यो कि ऊ बकरा बेजा ही घुस्सा हो ख ऊ भेड़ प हमला कियो; अऊर मेढ़ा ख मार ख ओकी दोई सींग ख तोड़ दियो; अऊर ऊ मेढ़ा म इतनो दम ही नी हतो की सामना करन ख मेढ़ा को कुछ भी बस नी चलो; तब बकरा न ओका जमीन प गिरा ख खुद डालो; अऊर ओ ख कोई बचावन वालो नी हतो। 8 तब बकरा बेजा घमंड करन लगियो, अऊर जब ताकतवार भयो, तब ओ को बड़ो सींग टूट गयो, अऊर ओको बदला देखन लायक चार सींग निकल ख चारी दिसा हुन को तरफ बढ़न लगिया। 9 फिर इन म से एक छोटो सो सींग अऊर निकलियो, जे दक्छिन, पूरब अऊर वादा को देस को तरफ बेजा ही बढ़ गयो। 10 ऊ तागत म इतनो बढ़ गयो कि स्वर्ग की सेना से हमला कियो; अऊर ओ म से अऊर तारा म से भी कित्तो ख जमीन प गिडा ख रोउदा डालयो।✝ 11 याहा लक की यू ऊ स्वर्ग की सेना को प्रधान ख भी चुनोती दियो, अऊर ओकी हमेसा कि होमबलि बंद कर दियो गयो; अऊर ओ को सुध्द रहवन की जगा ख गिरा दियो गयो। 12 विद्रोह को वजे से, परमेस्वर का इंसान हुन अऊर हर दिन ख होमबलि ख ओको हात म कर दियो गयो। अऊर ऊ सींग न सच्चाई ख मट्टी म मिला दियो, अऊर ऊ काम करते करते सफल हो गयो। 13 फिर मी न एक स्वर्ग दूत ख बोलतो हुओ सुन्यो एक दुसरा सुध्द जन न पहिलो वालो से कयो, दरसन ख पुरो होवन म अऊर कित्तो बखत लगेगो ऊ दर्सन जे म हर दिन को बलिदान विद्रोह जे उजाड़ को वजे से बनह है सुध्द जगह को समर्पन यहोवा के इंसान हुन को पाय तलो रोऊदयो जानो दिखायो गयो है। 14 तब ओ न मो से कहयो, जब लक साम अऊर सबेरा दो हजार तीन सव बार नी होय, तब लक ऊ होते रहेगो; तब फिर से सुध्द जगा की सही विधि पुरानो रिवाज से सुरु करी जाएगी।

15 यू बात दर्सन म देख ख, मी, दानिय्येल, यू समझन को यत्न करन लगियो; इतनो म अदमी को रूप धरयो हुयो कोई मोरो जोने खड़ो हुओ दिखाई पड़यो। 16 तब मो ख ऊलै नद्दी को बीच से एक इंसान को सब्द सुन पड़यो, जे हाका दे ख कहत हतो, "अरे जिब्राएल, ऊ व्यक्ति ख दर्सन की बात ख ऊ दर्सन को अर्थ समझा दा।"✝ 17 तब जिते मी खड़ो हतो, उते ऊ मोरो नजिक आयो; अऊर ओ को आते ही मी घबरा गयो; अऊर मुंडो को बल गिर पड़ो। तब ओ न मोसे कहयो, अरे इंसान को पोरिया, वी देखी वाली बात हुन ख समझ ला, काहेकि उन को अर्थ अंत को ही बखत म घटेगो। 18 जब ऊ मो से बात हुन करत रा, तब मी अपनो मुंड़ो जमीन की तरफ करयो हुए भारी नींद म पड़ो हतो, पर ओना मोका छी ख सीधो खड़ो कर दियो। 19 तब ओ न कहयो, घुस्सा भड़कन को आखरी को दिन हुन म जे कुछ होएगो, ऊ मी तो ख बताऊँ है; काहेकि अंत को चुनियो हुयो बखत म ऊ सब पूरो हो जाएगो। 20 जे दो सींग वाला मेढ़ा तू न देख्यो है, ओ को मतलब मादी हुन अऊर फारसी हुन को राज्य से आय। 21 अऊर ऊ रोआर बकरा यूनान को राज्य है; अऊर ओ को आँखी हुन को बीच जे बड़ो सींग निकलियो, ऊ पहलो राजा ठैरा। 22 ऊ सींग जे टूट गयो अऊर ओको बदलो जे चार सींग निकलो, एको मतलब यू है कि ऊ देस से चार राज्य निकलेगो, पर उन को तागत ऊ पहलो को सो नी होएगो। 23 जब वी राज्य को अंत जोने होयगो अऊर वी इत्ता दुस्ट हो जायगो की दण्ड देनो होयगो तब वाहा ऐका जिद्दी दुस्ट अऊर धोकेबाज राजा होयगो 24 ओ को सक्ति बड़ी होएगी, पर ऊ पहलो राजा को सो नी; अऊर ऊ अद्भुत रीति से इंसान हुन को नास करेगो, अऊर सफल हो ख काम करतो जाएगो, अऊर सक्ति हुन अऊर पवित्र इंसान हुन को झुंड ख नास करेगो। 25 ओकी चतुराई को वजे से ओ को छल सफल होएगो, अऊर ऊ खुद घमंड म रह ख ढेर सारो इंसान हुन को नास करेगो ऊ सब "सासको को सासक" को खिलाप भी खड़ो होएगो; पर खतम ख ऊ कोई को हात से मार बिना खाए टूट जाएगो। 26 साम अऊर सबेरा हुन को बारे म जे कुछ तोरो न देखो अऊर सुनो है ऊ सच है; पर जे कुछ तू न दर्सन म देखो है ओ ख राज रख, काहेकि ऊ कई सारा दिन हुन को बाद सच होवन वालो है। 27 तब मी दानिय्येल को तागत जातो रयो, अऊर मी कुछ दिन लक बीमार पड़यो रयो, तब मी उठ ख राजा को काम-काज फिर करन लगियो; पर जे कुछ मी न दर्सन देखो रा, ओ से मी चकित रयो, काहेकि ओ को कोई समझन वाला नी हतो।