1 बेबीलोन को राजा बेलसस्सर को पहलो साल म, दानिय्येल न रात म सपना अऊर दर्सन देख्यो है। तब ओ न ऊ सपना लिख्यो, अऊर बात हुन को सारांस भी बतायो। 2 दानिय्येल न यू कहयो, मी न रात ख यू सपना देखो कि महासागर प चार हुन तरफ आँधी चलन लगी। 3 तब समुंदर म से चार बड़ो बड़ो जानवर, जे एक दुसरो अलग हतो, निकल आयो। ✝7:3 प्रका 13:1; 17:8 4 पहलो जानवर सेर को जसो हतो अऊर ओको पंख उकाब को जसो हतो। मोरो देखतो देख पंखा हुन को प लोचे गयो अऊर ऊ जमीन पर से उठा ख, इंसान को जसो पाँय हुन को बल खड़ो कियो गयो; अऊर ओ ख इंसान को हृदय दियो गयो। 5 फिर मी न एक अऊर जानवर देखा जे रीछ को जसो हतो, अऊर एक पाँय को बल खडो हुयो हतो, अऊर ओको मुंडो म दाँत हुन को बीच तीन पसली हुन हती; अऊर इंसान ओ से कह रया हता, उठ ख बेजा सारो मास खा। 6 एको बाद मी न नजर को अऊर देखा, कि चीता को जसो एक अऊर जानवर है जेकी पीठ प पक्छी को जसो चार पंख हतो; अऊर ऊ जानवर को चार मुंडी हतो; अऊर ओ ख अधिकार दियो गयो। 7 फिर एको बाद मी सपना म नजर की अऊर देखा, कि एक चोऊथो जानवर है जे भयंकर अऊर डरावनो अऊर ढेर सारो ताकतवार है; अऊर ओको बड़ो बड़ो लोहा को दाँत हता; ऊ सब कुछ खा डालह है अऊर बरिक बरिक कर देवा है, अऊर जे बच जावा है, ओ ख पाँय हुन से रोउदा है। ऊ सब पहलो वालो जानवर हुन से अगल हतो; अऊर ओको दस सींग हता।✝7:7 प्रका 13:3 8 मी उन सींग हुन ख ध्यान से देख रयो हतो ते का देखा कि उन को एक अऊर छोटो सो सींग निकल आयो, अऊर ओको बल से ऊ पहलो सींग हुन म से तीन उखाड़ो गयो; फिर मी न देखा कि यू सींग म इंसान को जसी आँखी हुन हती, अऊर बड़ो बोल बोलनवाला मुंडो भी हतो।

9 मी न देखतो देखतो अंत म का देखो, कि सिंहासन रखो गयो, अऊर कोई अति पुरानो विराजमान भयो; ओ को कपड़ा हिम को जसो उजलो, अऊर मुंडी को बाल सुध्द ऊन सरी को हतो; ओको सिंहासन आगी अऊर ओको पहिया हुन धधकतो हुयो आगी को से दिखई पड़ह है।✝7:9 प्रका 20:4; 1:14 10 ऊ पुरानो को जोने आगी को धारा निकल ख बह रही हती; फिर हजारो हजार इंसान ओकी सेवा टहल कर रया हता, अऊर लाखो लाख इंसान ओको हाजिर हतो; फिर न्यायी बैठ गया, अऊर किताब हुन खोली गयी। ✝7:10 प्रका 5:11; 20:12 11 ऊ बखत ऊ सींग को बड़ो बोल सुन ख मी देखते रयो, अऊर देखतो देखतो अंत म देखा कि ऊ चोऊथो जानवर ख मार डाल्यो गयो, अऊर ओ को आगी से धधकतो हुओ आगी से भस्म कियो गयो। 12 बाकी बचिया हुआ जानवर हुन को अधिकार ले लियो गयो, पर उन को प्रान कुछ बखत को लाने बचायो गयो। 13 मी न रात म सपना म देखा, अऊर देख्यो, इंसान को पोरिया-जसो कोई आकास को बादल हुन समेत आ रयो हतो, अऊर वी, ऊ अति पुरानो को जोने पहुँचियो, अऊर ओ ख ऊ ओको नजिक लायो है। ✝7:13 मत्ती 24:30; मरकुस 13:26; लूका 21:27; प्रका 1:7 14 तब ओ ख असो हक, महिमा अऊर राज्य दियो गयो, कि अऊर राज्य-राज्य को इंसान अऊर अगल-अगल कुल को अऊर अगल-अगल भासा बोलनवाला हुन सब ओको अधीन हो; ओको हक सदा लक अटल, अऊर ओ को राज्य अविनासी ठैरा। ✝7:14 प्रका 11:15

15 मी दानिय्येल को मन चितित हो गयो, अऊर जे कुछ मी देखो हतो ओको वजे से मी घबरा गयो। 16 तब जे इंसान जोने खड़ो हतो, उन म से एक को जोने जा ख मी न सारो बात हुन को राज पुछयो, ओ न यू कह ख मी ऊ बात हुन को मतलब बतायो, 17 ऊ चार बड़ो बड़ो जानवर हुन को मतलब चार राज्य*7:17 राजा आय, जे धरती प निकलो होएगो। 18 पर परमप्रधान को सुध्द इंसान राज्य ख पाएगो, अऊर युगानयुग ओको अधिकारी बनो रहेगो। ✝7:18 प्रका 22:5 19 "तब मोरो मन म यू इच्छा भयी कि ऊ चोऊथो जानवर को राज भी जान लू जे अन्य तीन हुन से अगल अऊर अति भयंकर हतो अऊर जेको दाँत लोहा को अऊर नख पीत्तल को हतो; ऊ सब कुछ खा डालत रह, अऊर चूर चूर करह, अऊर बचा हुओ को पैर हुन से रोउदा डालत रह।" 20 फिर ओकी मुंडी म को दस सींग हुन को राज, अऊर जे नयो सींग को निकलनो से तीन सींग गिर गयो, यनेकि जे सींग की आँखी हुन अऊर बड़ो बोल बोलनवाला मुंडो घमंड की बात करत रह अऊर सब अन्य सींग हुन से जादा भयंकर हतो, ओ को भी राज जानन की मो ख इच्छा भयी। 21 जसो कि मी न देख्यो कि ऊ सिंग सुध्द इंसान हुन से युध्द कर ख ऊ तब लक हराते रहयो,✝7:21 प्रका 13:7 22 ऊ तब हमेसा से जिन्दो सायना हुन वापस आयो अऊर परमप्रधान को सुध्द इंसान को पक्छ म न्यायी को फैसला नी करियो ऊ बखत परमेस्वर का इंसान राज्य अधिकार पहुचा। ✝7:22 प्रका 20:4 23 ओ न कहयो, ऊ चोऊथो जानवर को मतलब, एक चोऊथो राज्य आय, जे धरती प हो ख अऊर सब राज्य हुन से अगल होएगो, अऊर सारा धरती को नास करेगो, अऊर दाँव ख चूर-चूर करेगो। 24 उन दस सींग हुन को मतलब यू है, कि ऊ राज्य म से दस राजा उठेगो, अऊर उन को बाद उन पहिलो से अलग एक अऊर राजा उठेगो, जे तीन राजा हुन ख गिरा देगो,✝7:24 प्रका 17:12 25 अऊर ऊ परमप्रधान को खिलाप बात हुन कहेगो, अऊर परमप्रधान को सुध्द इंसान हुन ख पीस डालेगो, अऊर तिहार को बखत हुन अऊर नेम को बदल देवन की आसा करेगो, परमेस्वर के लोग हुन ख साढ़े तीन साल लक वी सब ओको वस म कर दियो जाएगो।✝7:25 प्रका 12:14; 13:5-6 26 पर तब न्यायी बैठेगो, अऊर ओ को हक छुडा कर मिटायी अऊर नस्ट करी जाएगी; यहा लक कि ओको अंत ही हो जाएगो। 27 तब राज्य अऊर हक अऊर धरती प को राज्य*7:27 धरती प को राज्य आकास भर ख नीचू को राज्य अधिकार परमप्रधान को ही जनता यनेकि ओको सुध्द इंसान हुन ख दियो जाएगी, ओको राज्य सदा को राज्य है, अऊर सब हक करनवाला अधीन होएगो अऊर ओकी आग्या मानेगो।✝7:27 प्रका 20:4; 22:5 28 "यू बात को बखान मी अब कर चुको, पर मी दानिय्येल को मन म बड़ो घबराहट बनी रयी, अऊर मी भयभीत हो गयो; अऊर यू बात ख मी अपनो मन म रखो रयो।"