Եսայի 43

Տերը խոստանում է փրկել իր ժողովրդին

1 Արդ, այսպես է ասում Տերը՝ Աստված, որ արարեց քեզ, Հակո՛բ, և ստեղծեց քեզ, Իսրայե՛լ.

«Մի՛ վախեցիր,

որովհետև փրկեցի քեզ և քեզ կոչեցի քո անունով, որ իմն ես։

2 Եթե ջրերի միջով անցնես, քեզ հետ կլինեմ,

և գետերը քեզ չեն խեղդի.

եթե կրակի միջով անցնես, չես այրվի,

և նրա բոցը քեզ չի կիզի.

3 որովհետև ես եմ Տերը՝ քո Աստվածը՝

Իսրայելի Սուրբը, քեզ փրկողը։

Եգիպտոսն ու Եթովպիան որպես փրկագին տվեցի քեզ համար

և Սուհենը քեզ հետ փոխանակեցի։