Եսայի 53

3 Նրա տեսքն ավելի անարգ էր ու նսեմ,

քան բոլոր մարդկանց որդիներինը։

Նա հարվածների ենթակա մի մարդ եղավ,

որ ցավերին համբերել գիտի.

իր երեսը դարձնելով՝ արհամարհվեց ու բանի տեղ չդրվեց։

4 Նա մեր մեղքերն էր վերցնում

և մեզ համար չարչարվում,

սակայն մենք նրա ցավերը,

հարվածներն ու չարչարանքները համարեցինք

իբրև Աստծուց եկած բան։

5 Բայց նա վիրավորվեց մեր մեղքերի համար

և մեր անօրենությունների համար պատժվեց.

մեր խաղաղության համար նա՛ պատիժ կրեց,

և նրա վերքերով մենք բժշկվեցինք։