MATIE 22

Ɔ̃mfuul me ndɔɔ osiool o b’ákwi-ákwi

23 Tsoo alili, asaduseyɛ̃ ayi ola Yeso. Bɔ baal bɛn k’abekiool wɛ kwɛn b’ákwi akieel asiool. Bɔ afuul Yeso bubu: 24 «Ɔ̃tee, Moyize álieel ndiri: "Ŋɛn bɔɔl okwi k’asiil muaan wɛ, muaan-ngoo a ndɛ àwal ɔ̃pfiil, kwɛn bɔ abuo ɔ̃pfu esii e baal✝22.24 Det 25.5-6." 25 Ŋ’esa oŋɔ̃, onse bee baan b’abɔɔl áli nsiaan. Muaan wu ɛ̃kwel obaal ɔ̃kal, okwi. Onge bɛn ndɛ k’abɔɔ muaan y’ɔ̃kal ondɛ wɛ, ndɛ osiil ɔ̃pfiil me muaan-ngoo. 26 Esi kɛn a obobɔ, me muaan wa buaal, ye wu atyel tiil wa nsiaan. 27 Ke mbee a bɔ bueel, ɔ̃kaal ondɛ hɛ̃ okwi. 28 Ke ŋ’ekieel esiool b’ákwi-ákwi, ndɛ àkal ɔ̃kal nã onse baan-ngoo ange-nsiaan? Ke ngwel wɛ, bɔ bueel ábaal ndɛ!» 29 Yeso obveel bɔ ndiri: «Byɛ k’eli y’ɔ̃dzoo wɛ, me ndɔɔ yɛn byɛ k’eyɛɛ m’ákel onse Ɔ̃nkaan a Nziã wɛ, byɛ hɛ̃ k’eyɛɛ waan e ndɛ wɛ. 30 Ke ngwel wɛ, ŋ’ekieel esiool baal, akaal y’abɔɔl k’àbaal bakyɛ wɛ. Kɛn a bɔ akieel akal onge ãnzwel ke ywel. 31 Me b’otal osiool o b’ákwi-ákwi, byɛ kɛn etsiɔ b’élieel Nziã byɛ wɛ? Ndɛ mpii álieel ndiri: 32 "Mɛ̃, mɛ̃ ndi Nziã a Abalayam, Nziã a Isak, Nziã a Dzakab✝22.32 Opa 3.6,15."» Yeso olweel bubu: «Nziã k’ali Nziã a b’ákwi-ákwi wɛ, ndɛ oli Nziã a baal b’amwiĩ-mwiĩ.» 33 Embuul e baal ki ékeyoo ndɛ ékekam bibi me m’ékeyiool ndɛ.